Deghẹ iwinna na gha vbee, ọ sẹtin gha lọghọ ne ọmwa mu ẹmwẹ Arriọba Osanobua ye okaro, kevbe nọ sẹtin gha ru emwi nọ gbae vbe odaro Osanobua. Deghẹ ima ma begbe, ma sẹtin ya rhie obọ ye iwinna nọ gha si ima ghee iyeke vbe ugamwẹ e Jehova ra nọ gha ya ima rhie obọ gberra ilele ọghẹe. Sokpan, ma mwẹ ilẹkẹtin wẹẹ e Jehova gha ru iyobọ “ne iran ne ekhọe ẹre mudia ẹse vbe ehe nọ ye.” (2 Krọ 16:9) Emwi ọkpa i rrọọ nọ gha sẹtin mu idobo yọ, ne Jehova ghẹ kpemehe emwi ne ima gualọ ne ima. (Rom 8:32) Nọnaghiyerriọ, ma ghaa ru azẹ nọ dekaẹn aro iwinna ne ima gha ru, ọ khẹke ne ima mu ẹtin yan e Jehova, ma ghi vbe mu ugamwẹ ọghẹe ye okaro vbe arrọọ ọghe ima.—Psm 16:8.

GHEE VIDIO NỌ MWẸ UHUNMWUTA NỌ KHARE WẸẸ, YA EKHỌE HIA WINNA NE JEHOVA, IYEKE ỌNI, A GHI ZẸ EWANNIẸN YE AVBE INỌTA NA:

• Vbọzẹ ne Jason ma na rhie okodẹ?

• De vbene emwi nọ rre ebe Kọlose 3:23 ya kaẹn ima hẹ?

• De vbene igiemwi esi ọghe Jason ya ru iyobọ ne Thomas hẹ?

• De vbene emwi nọ rre ebe Matiu 6:22 ya kaẹn ima hẹ?