YƆRƆ 3NAN

U bɔlen Misira fo ka na se Israɛl masakɛ fɔlɔ ma

Musa ye Israɛlkaw ɲɛminɛ ka bɔ jɔnya la Misira, ka taa ni u ye Sinayi kulu la. O yɔrɔ la, Ala ye a ka sariyaw di u ma. O kɔfɛ, Musa ye cɛ 12 ci walisa u ka taa Kanan jamana cogo lajɛ ka na o fɔ a ye. Nka, o mɔgɔ 12 la, 10 ma ɲuman fɔ jamana kan. U ka kumaw y’a to mɔgɔw tun b’a fɛ ka segin Misira. Ikomi u ma da Jehova la, Ala ye Israɛlkaw ɲangi. A y’u bila u ka yaala san 40, kungokolon kɔnɔ.

A laban na, Jehova ye Josue sugandi a ka Israɛlkaw ɲɛminɛ ka don Kanan jamana na. Jehova ye kabako caman kɛ walisa k’u dɛmɛ u ka se ka jamana minɛ, ka a kɛ u ta ye. Baji min bɛ wele ko Jurdɛn, Ala ye o ji lajɔ walisa a kana woyo. A ye Jeriko dugu kogow bin. A y’a kɛ tile tora yɔrɔ kelen don kelen. San wɔɔrɔ tɛmɛnen kɔ, jamana minɛna Kanankaw la.

K’a daminɛ Josue la, kiritigɛlaw ye Israɛl mara san 356 kɔnɔ. An bɛna u caman ka maana kalan, i n’a fɔ Barak, Jedeɔn, Jefite, Samsɔn ni Samuɛl. An bɛna muso dɔw fana ka maanaw kalan, i n’a fɔ Rahab, Debora, Jaɛl, Ruti, Naomi ani Dalila. Ko minnu kɛra san 396 kɔnɔna na, Yɔrɔ SABANAN bɛ kuma o kan.