Ye ô nga tu’a fo’o lañe minlô mejô ya Nkume mmombô a bete ya mbu wu? Tame yen nge ô ne ngule ya yalane minsili mi:

Jacques 5:11 a ve bia ndi nleme fé éyoñ a jô na Yéhôva a ne “[nkoon] éngôngo ne lut” a “mvam”?

Bia yeme na Yéhôva a mvamane bia éyoñ a jamé bikobe biangan. Jacques 5:11 a ve bia ndi nlem na Yéhôva a volô fe bia a nlem ôse. Bia yiane fo’o vu nye mfa’a ôte.​—w21.01, af. 21.

Amu jé Yéhôva a nga ve mingum mi bôt abim éjôé éziñ?

Yéhôva a nga ve mingum mi bôt abim éjôé éziñ amu a nye’e bia. Nta’ane mam ôte wo volô na mam me wulu mvo’é nda bôte Yéhôva. Bôte bese ba tôñe nta’ane mam ôte ba bo de amu ba yem na bia bese bi bili beta ntebe ôsu a yiane nyoñ mintyi’an mia su’ulan.​—w21.02, af. 3.

Amu jé Bekristen ba yiane tabe ntyel éyoñe ba belane beapplication de messagerie?

Éyon môt a top na a belane b’application de messagerie, a yiane kôme top bôt é laan a be. E ne ayaé ya sa’ale mbia mewoso éyoñ bi ne groupe a bili abui bôt. (1 Tim. 5:13) Ôlam ôfe ô ne na bi ne taté na bia mias mefoé me nji bo été, a taté na bia belane bobejañ asu na bi fulu akum.​—w21.03, af. 31.

Amu jé Zambe a nga kañese na Yésus a tôbane minjuk a wu?

Jam ôsu, Yésus a mbe a yiane wu élé mintaé yôp asu na a vaa Bejuif biyo’é. (Beg. 3:10, 13) Jame baa, Yéhôva a mbe a kômesa’ane Yésus asu ésaé Beta prêtre a mbe na a bo mvus awu dé. Jame lale, mewô’ô me Yésus me nga liti na môt a binam a ne ke ôsu a wulu ba’aba’a a Yéhôva to’o a tele minju’u été. (Job 1:9-11)​—w21.04, af. 16-17.

Jé bi ne bo nge bia kate koone bôt menda map éyoñ bia kañete?

Jeñe’e na ô kañete bôt awolo ô ne koone be nda. Jeñe’e fe na ô kañete vôm ô ne koone bôt. Tyendé’é fatane nkañete jôé, ô ne tili bôt ô nji koone menda map bekalate.​—w21.05, af. 15-16.

Jé nlômane Paul ô mbe ô kômbô’ô jô éyoñe ô nga jô na: “Amu metiñ, me nto ñwuan mfa’a ya metiñ”? (Beg. 2:19)

Atiñe Moïse e nga kôme liti ne fômelé na bôte be be’e metyi ya abé. E nga kee fe bone b’Israël be Krist. (Beg. 3:19, 24) Atiñ ete nde fe e nga kee Paul be Krist. A zen éte, Paul a mbe “ñwuan mfa’a ya metiñ,” a nji be a bili na a beta tôñ Atiñ ete.​—w21.06, af. 31.

Avale avé Yéhôva a liti bia mbamba éve’ela mfa’a ya jibi?

Yéhôva a nga jibi na éyôlé jé é veebane mvit, na bôte be wosan éto Njôô jé, na bone bé béziñ be bo nye melo, minsos mi Satan, minju’u bebo bisaé bé ba tôbane mie, awu bemvôé bé, na mbia be bôt be tibili bôte bevok, émo é ne njalan a mvine mame ya bisôk, a na bôte be mane ndamane si a nga té.​—w21.07, af. 9-12.

Mbamba éve’ela mbé Joseph a nga liti mfa’a ya yeme yange Yéhôva?

Bobenyañ bé bebiene mbe be nga bo nye abé. Be nga kuane nye Égypte, ane be nga bôte nye ajô a fete nye nda mimbôk mimbu mimbu.​—w21.08, af. 12.

Aggée 2:6-9, 20-22 a kobô ajô mfô’ôsane si ôvé?

Meyoñe ya si nyu ma wô’ô foé bia kañete angôndô ya abé, Ve bôte béziñe ba wô’ô mejô me Zambe mvaé. Ana’ana, mfô’ôsane si wo su’ulan wé mane jiane bôte bese ba bene kañe Yéhôva.​—w21.09, af. 15-19.

Amu jé bi nji yiane bili atek mfa’a ya ésaé nkañete jangan?

Yéhôva a yene ngul ése bia ve, a wô’ô fe bia mvaé. Nge bia bo te bili atek, bia ye bi ényiñe ya melu mese.​—w21.10, af. 25-26.

Aval avé Lévitique kabetôlô 19 a volô bia na bi tôñe mejô ma: “Bo’an [étyi] mfa’a ya aval ntaban ese”? (1 P. 1:15)

Mejô ya éfus ete ma yiane so Lévitique 19:2. Kabetôlô 19 a liti bia aval bi ne tôñe mejô ya 1 Pierre 1:15 binyiñe biangan.​—w21.12, af. 3-4.