Ye ô nga kôme fo’o lañ minlô mejô mi ne Nkume mmombô a bete ya mbu wu? Tame ñhe jeñe na ô yalane minsili mi:

Aval avé Kalate Zambe a liti na Zambe a yem mintaé miangan?

Éyoñ bone b’Israël be mbe minkôm Égypte, Zambe a mbe a yeme’e minju’u miap mise, a mintaé miap. (Nk. 3:7; És. 63:9) Bia fe bi ne wô’ôtan mintaé mi bôte bevok amu Zambe a nga té bia éve’ela jé. A wô’ô bia éngôngol to’o éyoñ biabebien bia buni na bi nji beta yiane nye’ane wé.​—wp18.3, afebe 8-9.

Aval avé miñye’elane mi Yésus mia volô na bi sa’ale fulu ôbangam?

Abui Bejuif ya éyoñe Yésus e mbe ôbangam. Ve Yésus a nga liti mfi ya bo éjote nyul, a liti fe na môt a nji yiane tabe ayoñe dé mebun. A nga jô beyé’é bé na be yeme na be ne bobenyañ.​—w18.06, afebe 9-10.

Yéhôva a nji kañese na Moïse a nyiine Si ya ntiñetan, nalé a ye’ele bia jé?

Moïse a mbe a bili ngul élat a Yéhôva. (Dt. 34:10) Valé mimbu 40 mi mbeme kpwaane be nkôte si, bone b’Israël ve beta taté na ba tatan ajô ya mendim éyoñe baa. Zambe a nga jô Moïse na a kobô akok. Ve Moïse a nga viane bibi akok. Éko éziñ Yéhôva a nga wô’ô ôlune na Moïse a nji tôñe njôane wé, nge ke na a bene ve Nye duma dé. (Nb. 20:6-12) Nalé a ye’ele bia mfi ya bo Yéhôva mewôk a ve nye duma da yiane nye.​—w18.07, afebe 13-14.

Mam mevé me ne bo na bi tyi’i bôte mejô a ñyenane ya mis?

Mam mela me wô’ô bo na bôte be tyi’i ba bevo’o mejô a ñyenane ya mis: ayoñe môt nge ke nkobô wé, ôkala wé, a nkôñ ényiñe wé. E ne nya mfii na bi jeñe na bi yene bôte bevo’ avale Zambe a yene be! (Mam 10:34, 35)​—w18.08, afebe 8-12.

Aval avé Bekristen be ntoo benya bôtô be ne volô bôte bevok?

Bekristen be ne benya bôtô be ne nya dia mise me Yéhôva, to’o be nga vaa be mimbe’e miziñ; be ne fe volô bobejañe ya akônda nya abui. Nge ba yem bobejañ be nga lu’u bôte be nji kañe Yéhôva, be ne volô bôte bete, be ne fe volô bobejañe be voéya nsisim, be ne bo meyé’é a bôt, be ne fe nene ésaé nkañete jap.​—w18.09, afebe 8-11.

Jé bia koone je ékate Bikpwelé asu ñye’elan?

Mefebe me njoman a mefebe me mbañete. Mbamba betract mwom, Nkume mmombô a bete a Vee ôyo! Minsoé mi kalate miziñ mi ne fe été, bekalate bebaé, a mbamba bevidéo benyin, ane nyô a ne nlô ajô na: Amu jé wo yiane yé’é Kalate Zambe?​—w18.10, afebe 16.

Aval avé Kristen é ne ‘kuse benya mejôô’ avale Minkana 23:23 a jô?

Bia kuse ki benya mejôô a moné. Ve bia ve éyoñe jangan a ngule jangan ése na bi bi me.​—w18.11, afebe 4.

Jé nkañete Osée ba minga wé Gomer wo ye’ele bia?

Gomer a nga bo mejian abui biyoñ, ve Osée a nji tyam aluk, a nga jamé minga wé. Kristen é ne fe tyi’i na ja jamé môte ba nye be ne nlu’an nge a te bo nsem ba loone na mvine mame ya bisôk. Nge Nnôm ba ngal ba beta ke binoñ éyoñe nsem ôte ô bobaneya, be vo’o beta kobô ajô ntyaman aluk.​—w18.12, afebe 13.