Yeme’e na bôte bevok ba lôte wo
Mam ma tindi bôte na be bo ôbangam
Bi ne bo ôbangam nge bia dañe simesane ve biabebien. Môt a dañe simesane ve émien a yen émien ñkenge. A yene na a dañe bôte bevok, a biasé bôte ba selane nye. Bia bese bi ne ku ôlam ôte. Encyclopædia Britannica a jô na: “Bôte ya abui metum ba simesane na fatan ényiñe jap, bidi biap, mengômesane map, mefulu map, mam ba buni, mam ba telé ôsu ényiñe jap a keke ma dañe ma me bôte bevok.” Aval avé bi ne sa’ale mbia ôsimesan ate?
Jam Kalate Zambe a ye’ele
“A nje’ebane nleme si, môt ase a semé’é nyô mbok a dañ nseman a semé émien.”—BEPHILIPPIEN 2:3.
Jé éfuse ji ja ye’ele bia? Bia yiane sili biabebien si asu na bi bo teke dañe simesane ve biabebien. Fulu éjote nyul ja ye volô bia na bi yeme na, bôte ya bevôm befe ba dañe bia mimfa’a miziñ. Vôm ase wo ye ke, teke nsamba bôt éziñe wo ye koone wô ô bili ve mbamba mefulu.
Bi tame nyoñ éve’an Stefan. A nga yaé vôme bôte be mbe be wosa’ane ba ba selane be. Ve a nga dañe fulu éte. A jô na: “Ma simesane na, e yene na bôte bevo’o ba dañe wo a ne volô wo na ô juane mbia fulu ôbangam. Me vo’o yeme mam mese. Bôte bevo’o be ne ye’ele ma mam méziñ.”
Mam ô ne bo
Kañese’e na ô bili minné, a yeme na ô ne bo bikop. Yeme’e fe na bôte bevo’o be ne yeme bo mam méziñ a dañe wo. Te buni na bôte ya ngum vôm éziñ bese be bili avale mbia mefulu da.
A lôte na ô yene bôte bevok abé, wo yiane jibi jeñe na ô sili womien minsili mi:
Te vuane na bôte bevo’o be ne ngul bevôm ô ne atek
-
‘Ye mefulu ma wô’ô nju’u be môte nyi me ne fo’o mbia mefulu, ye ma vini me fo’o ve amu ma selan énmam?’
-
‘Ye môt ate nye a vo’o yene na ma fe me bili mbia mefulu?’
-
‘Mam mevé môt ate a yeme bo ma kate ma?’
Nge wo kôme yalan minsili mite zôsô été, wo ye dañe fulu ôbangam, wo ye fe nye’e mam bôte bevo’o ba bo.
