AVAL Ô NE DAÑE MAM MA TYELÉ WO NLEME YÔP
Mam ma tyelé bia minleme yôp ma ye man ana’ana
Fe’e ya Kalate Zambe ja volô bia na bi bo te dañe tyelé minleme yôb zezé. Bi nji bi ngule ya vaa mam mese ma tyelé bia minleme yôp. Ve Nté wongan a ne de bo. A teléya fe ngume môt wo ye volô bia. Môt ate a ne Yésus Krist. Ana’ana, a ye bo bitua bi mam asu si se, a dañ abim a nga bo éyoñ a mbe si va. Éve’an é ne na:
YÉSUS A YE SAÉ AKON ÉSE, AVAL A NGA BO MELU MVUS.
“Ane be nga ke bôte bese be nga ya’a vôm a nga to, ba be nga kon akon mevale meva . . . , ane a nga saé be.”—MATTHIEU 4:24.
YÉSUS A YE VE MÔT ASE ÉTABA’A A JÔME YA DI.
“B’aye [bôt ba ye tabe éjôé Krist si] lôñe menda, a tabe me; b’aye bé mefupe mindik, a di bibuma ya été. B’aye ke loñ, a mfe a viane tabe été; b’aye ke bé, a mfe a viane di.”—ÉSAÏE 65:21, 22.
ÉJÔÉ YÉSUS JA YE SOO MVO’É SI SE.
“Bôt be ne zôsô b’aye nenenen melu mé, a mvo’é abui, akekui ngon j’aye bo momo. A ye jôô fe ataté mañ akekui mañ, a ataté ôsôé ôte akekui susu’a ya si nyô. . . . A besiñe bé b’aye nyiane mbuluk.”—BESAM 72:7-9.
YÉSUS A YE VAA ÉKOTEKOT.
“A ye ko môt a ne nzôzoé a nyô a ne ôsame éngôngo, a ye nyii minsisime ya bôt be ne éngôngo. A ye kôté nsisime wop mfa’a ya ékpwe’ele a évô.”—BESAM 72:13, 14.
YÉSUS A YE VAA MINJUK A AWU.
“Awu de aye fe bo; nalé fe ôlun vi aye fe bo, nge ñyôn, nge mintaé.”—NLITAN 21:4.
