AVAL Ô NE DAÑE MAM MA TYELÉ WO NLEME YÔP
Ye nlem ô tyele wo yôp?
“Môt ase a bili jam da tyelé nye nleme yôp; ve mfa’a wom, nlem ô tyele ma yôp awolo ese. A nji bo ve amu beta nju’u éziñ, ve amu abui bone be mam ba te’e ma nyul angôndô; den a nga ke fe abui mimbu ma tuñulu nnôme wom.”—Jill. *
“Minga wom a nga bene ma, a li’i me zeme a bone bebaé. E nji bo tyi’ibi ya yale bon éyoñ ô ne étam. Ajô é nga tu’a ndaman éyoñe be nga vaa ma bisaé; me mbe teke fe moné asu na me kôme metua wom. Me mbe teke yeme jam me ne bo. Nlem ô mbe ô tyele ma yôp awolo ese. Me mbe me kôme’e yeme na e nji bo mvo’é na me wôé mamien, ve me nga ye’elane Zambe na me jibi wu.”—Barry.
Ye da bo é kui na wo fe ô tyele nleme yôp ane Jill ba Barry? Nge é ne nalé, minlô mejô mia tôñe le mi ne soo wo mvolane nlem, mia ye fe ve wo melebe ma yian. Minlô mejô mite mia ye liti mam méziñ me ne tyelé bia minleme yôp, minju’u mi ne kui bia éyoñ bia dañe tyelé nleme yôp, a avale bi ne dañe mam ma tyelé bia minleme yôp.
^ É.N. 3 Be nga tyendé biyôlé biziñ.
