ASU BELUK
4: Njaman
JÔME NALÉ A TINAN
E jamé a tinane na wo vuan abé ba te bo wo a mintaé mise wo te wôk. E jamé a nji bo na wo biasé jame ba te bo wo nge simesane na é nji ke tame boban.
ÑYE’ELANE YA BIBLE: “Wua a jibi’i nyô mbok, a wua a jamé’é nyô mbok, nge môt éziñ a bili nyô mbo’ ajô.”—Becolossien 3:13.
“Éyoñe wo nye’e môt, ô nji beta fombô bikobe bié, ve wo beme mise môé avale môt ate a jeñe na a bo éyoñe ji.”—Aaron.
AMU JÉ É NE MFI
Nge wo ba’ale ôviti ziñ, ô ne kone nlem a nyul, ô ne fe ndamane nda alu’u jôé.
“Môs éziñ, nnôme wom a nga sili ma njaman amu jam a nga bo ma é nga balé ma nlem nya abui. É mbe ayaé na me jamé nye. É n’été na me nga su’ulane jamé nye, ve ma jôban amu me nji de ji’a bo. Jam ete é nga so abui mam afe e nji yian élate jangan.”—Julia.
JAM Ô NE BO
FASE’ WOMIEN
Nge môs éziñ, môt mia nye mi ne nlu’an a beta bo wo jame da taé wo nlem, sili’i womiene na:
-
‘Ye me ne ôngase?’
-
‘Ye jam a te bo ma é ne étua abé na a mba’a fo’o ve sili ma njaman, nge na me ne jô’é jam ete?’
LAAN A MÔTE MIA NYE MI NE NLU’AN
-
Mia nyoñ abim éyoñ avé asu na môt ase a jamé nyô mbok?
-
Mam mevé mi ne bo asu na môt ase a ji’a jamé nyô mbok?
MELEP
-
Éyoñe wo wô’ô ôlun, te ji’a simesane na môte mia nye mi ne nlu’an a vañe bo wo abé.
-
Tame jeñe na ô jamé bikobe bi môte mia nye mi ne nlu’an, ô ba’ale nlem été na, “bia bese bi akolô ôbak mimfa’ abui.”—Jacques 3:2.
“É ne tyi’ibi ya jamé éyoñ bia bese bia ku ajô éziñ, ve jam ete é ne ayaé éyoñe môte wua nnye a te té ajô. E jamé a sili fo’o fulu éjote nyul.”—Kimberly.
ÑYE’ELANE YA BIBLE: “Bo’ avôle ya late môt mia nye mi ne ajô ñbwa.”—Matthieu 5:25.
Nge wo ba’ale ôviti’i ziñ, ô ne kone nlem a nyul, ô ne fe ndamane nda alu’u jôé
