Amu jé wo yiane kate bebiaé bôé mam me ne wo nlem? (Min 23:26) Amu Yéhôva a nga ve be mbe’e ya nyoñe ngab a wo, a ye’ele wo. (Bs 127:3, 4) Be vo’o volô wo tyi’ibi nge wo solé be mam môé. Mongô a solé bebiaé bé mam a sup mbamba melep be ne ve nye, amu be’e fe be nga taté be bongô. Ve ye e ne abé na ô ba’ale mam méziñ asu dôé? Bi ne jô tyi’ibi na momo. Ve tabe ntyel, amu nge ô solé bebiaé bôé jam ba yiane yem, ô boya môte minsos.—Min 3:32.

Nde ñhe ô ne bo aya asu na ô laan a bebiaé bôé? Jeñe’e mbamba éyoñ. Nge wo ko woñ, ô ne tili wua ya be be kalate, a kate nye mam me ne wo nlem. Wo yiane bo aya nge ba yi na mi laan jam éziñ a too ke na ô nji kômbô kobô de? Te vuane na ba kômbô wo volô. Te nyoñe bebiaé bôé ane besiñe bôé, ve ane bemvôé bôé. Nge ô ve ngule ya bo ô laan a be, wé bi abui bibotan ataté den, akekui nnôm éto!—Min 4:10-12.

YENE’E VIDÉO A NE NLÔ AJÔ NA ÉNYIÑ BISOÉ—AVAL AVÉ ME NE YEME LAAN A BEBIAÉ BAM? MVUSE YA VALÉ, YALA’ANE MINSILI MI:

• Esther ba Partik ba su’ulane meme na ba yiane tyendé mbia mefulu mevé?

• Aval avé ô ne vu éve’ela Yésus?

• Mam mevé ma liti na bebiaé bôé ba nyoñ ngab a wo?

• Miñye’elane ya Bible mivé mi ne volô wo na ô yeme laan a bebiaé bôé?