Ane bisulan bise bivok, Yéhôva a nga telé bisulane bi nkañete na bi yañele bia mfa’a ya nye’an a mbamba mimboane mi mam. (Beh 10:24, 25) Ésulane nkañete é nji yiane lôte minute zangbwal; e minute mite été, ba yiane fe kabe bôt, a kate be vôm bé ke kañete, a ye’elan. (Ésulane nkañete ja yiane tu’a beta bo étun éyoñ ja tôñ ésulan éfe ya akônda.) Môt a wulu ésulane nkañete a yiane kômesane mone nlô ajô a ne volô bobejañe nkañete môs ôte. Mbôl abui bobejañ da dañe kañete môs Éwônga, e ne bo mfi môs ôte na be fase ve jame be ne laan a bôte nkañete. Be ne kobô ajô jé bisulane bi nkañete?

• Bive’ela ya tôñ bi ne kalate Ényiñe Kristen a ésaé nkañete jangan​—Kalate bisulan

• Bi ne taté minlañ a mefoé ma nambe bôte ya vôm bi too

• Bi ne fas avale bi ne yeme yalane môt a bo ve ane a nji kômbô vô’ôlô bia

• Avale bi ne yeme yalane bôte ba buni ki Zambe, ba ba buni na biôm bi nji tééban, môt a kobô nkobô ôfe, nge ke môte ya ñyebe bia dañe ke yembane wô vôm bi too

• Avale bi ne belane nlô ajô éziñ ya jw.org, application JW Library, nge ke Kalate Zambe

• Avale bi ne belane kalate wua ya bikpwelé bia ye’ele bie bôt

• Avale bi ne bo atyeñe fatane nkañete éziñ, ane téléphone, ntilane bekalate, meta’a bekalate, minjoman, meyé’é, akeke

• Bi ne yene melebe me ne volô na môt a bo teke juk éyoñ a ne nkañete, mfi ya bo te yemete môte na a vô’ôlô ôsimesane wongan, mbamba mefulu bia yiane bi éyoñe bia kañete, mfi ya belane nkobô wo ve ngule nyul éyoñ bia kañete môt, akeke

• Bi ne laan ajô ya miñye’elane ya vidéo wua ya nsoé kalate ô ne nlô ajô na Bo’o atyeñ mfa’a ya nlañan a ñye’elan

• Bi ne yen avale bi ne su’u môt bia be nye bi ne nkañete

• Nge la’ase éfus éziñ é tii a ésaé nkañete, nge ke laane nlañ wo ngôné aval avé ésaé nkañete ja wume mbamba bibuma