Yéhôva a yeme ta’a bebo bisaé bé den fo’o ve aval a mbe a yeme’ ta’a bone b’Israël. E si ése, bobejañe ya bebéthel, bejome mekônda, bobejañe ya mekônda a mengôse me nkañete ba saé fufulu asu na mbamba foé a kañeteban. Bia kañete bôte bese, to’o ba ba kobô nkobô ôfe.​—Nli 14:6, 7.

Ye ô faseya na ô ne yé’é nkobô ôfe asu na ô ye’ele môte benya mejôô? Nge ô nji bi éyoñe ya yé’é nkobô éziñ, ô ne belane application JW Language asu na ô yé’é menyiine me nkobô me ne tyi’ibi. Éyoñe wo belane me nkañete, ô ne wô’ôtan avale Bekristene ya ntete mimbu ôsu be nga wô’ôtan. Be mbe mevak amu be nga kañete “beta be mame ya Zambe” nkobô wop.​—Mam 2:7-11.

YENE’E VIDÉO A NE NLÔ AJÔ NA, BO’O MVÔÉ YÉHÔVA​—KAÑETE’E NKOBÔ ÔFE, MVUSE YA VALÉ YALA’ANE MINSILI MI:

• Éyoñ évé ô ne belan application JW Language?

• Mam mevé ô ne koone me application ate?

• Minkobô mivé bôte ya abôta nkañete dôé ba kobô?

• Jé wo yiane bo nge wo tôbane môt a nye’e Mejô me Zambe nkañete a kobô’ô nkobô ôfe?​—od af. 100-101 ab. 39-41