Bia yange bôt a lôte bemillion 12 e Ngone lale é too melu 23. Bôte bete ba ye zu tabe mesimesa’ane ya awu Yésus. Avale mbamba miñye’elan bôte ba ye nyoñ éyoñe mojañ a ye bo nkañete! A ye timin amu jé awu Yésus é ne mfi asu dangan, a mbamba be mam awu te da ye soo bia melu me azu. (Ésaïe 11:6-9; 35:5, 6; 65:21-23; Jean 3:16) Ve bia yiane yeme na, sa ke ve mojañ a bo nkañete nnye a ye volô bôte bia bañete. Môt ase ya be bia a yiane yeme nyoñe bôte ba ye zu tabe beta étôkan ate. (Beromain 15:7) Bi tame zu yene mame bi ne bo.

• Éyoñe bi soya, bi nji yiane ke tabe si éto jangan été été, bia yiane nyoñe bôte ba te zu tabe mesima’ane a ôsesa. Ja’a bobejañ be te’eya nsisim, bia yiane batane be a meva’a mese

• Abime bia nyoñe ngab a bôte biabebiene bi nga bañete, abime te fe bia yiane fe bo ôsesa a bôte bevo’o ba te zu tabe mesimesa’ane, ja’a sa ke bia bi nga bañete be. Bia yiane jô be na be zu tabe vôme bi too. Bia yiane fe belane Kalate Zambe, a kalate bia a be

• Éyoñe mesimesa’ane me maneya, bia yiane fe nyoñ éyoñe ya yalane minsili be ne sili bia. Nge bia yiane kôlô Aba Éjôé avôl avôl, amu akônda afe da yiane zu nyiin, bi ne jô nye na, bia ye zu jôme nye éyoñ éfe, asu na bi yalane minsili mié; ve bi nji yiane jô’é na abui melu é lôt. Nge bi nji bi nombo nkole wé, bi ne jô nye na: “Ma yi na bia wo bi beta yenan asu na ô kate ma aval wo te yen ésulane ji. Ye ô ne ve ma nombo nkole wôé?”