Ngone zangbwale ya mbu 2022, ayôñ é nga bo abui mefôla ya si avale é ngenane te bô môs éziñ:

•   “Éyoñe baa ngone nyu, bijôé ya Chine bia kate na mbia ngul ayoñ a zu bo a lôte bitisône 70”—Mefoé ya CNN Wire ya ngone zangbwale 25, 2022

•   “Amu ayôñ é ne abui mefôla ya Europe, mefane ma mane dik angôndô” —The Guardian ya ngone zangbwale 17, 2022

•   “Ayoñ é nga bo abui bitisone ya États Unis môse sondô avale é ngenane te tame bo, nalé a kui amu ésep ja ke ôsu a bo ngul mfôme mañ ya est e sud a mfa’a ya ouest.”—The New York Times ya bgone zangbwale 24, 2022,.

 Mame mete mese ma tinan aya? Ye si ja ye su’ulane bo avale vôme môt a vo’o nyiñ? Jé Bible a jô?

 Ôwé. A bui ayôñ bia yene melu ma da kôme tôé jame Bible a nga jô na da ye boban melu bia nyiñe ma. Éve’an é ne na, Yésus a nga bo nkulane ajô na bia ye yene “mame me ne angôndô” nge ke na “mame me ne éko woñ.” (Luc 21:11) Ayôñ é ne ve ke ôsu a bete di, da bo na bôte be ko woñ na si é nga mane ndaman.

 Momo. Zambe a nga té si na é bo vôme mota binam a ye tabe nnôme éto. (Besam 115:16; Écclesiaste 1:4) A lôte na a jô’é bone be bôt be mane ndamane si, a ye ‘jiane ba ba jiane si’ avale a nga ka’ale.—Nlitan 11:18.

 Bi tame yene fo’o ve minkulane mejô mibaé mia liti mame mefe Zambe a nga ka’ale:

•   “Fé a si é ne nkôt bia ye yene mvaé; a nkôte si wo ye vak, a kuli sam aval ane élo’o sam” (Ésaïe 35:1) Zambe a ye ke jô’é na si é bo nkôte si, vôme môt a vo’o nyiñ, ve a ye beta mane kôme mefôla mese me maneya ndaman.

•   “W’ ajome si, a ve je mendim, W’ adañe ve je biôm abui” (Besam 65:9) Ébotane Zambe ja ye bo na si é bo Paradis.

 Yeké’é mame mefe mfa’a ya avale mintyendane ya biyôñ mia tôé minkulane mejô ya Bible, Lañe’e nlô ajaô ô ne na “Les changements climatiques et notre avenir—Jé Bible a jô.”

 Nge wo kômbô yeme mame mefe a late a avale si ja ye beta mane komeban, lañe’e nlô ajô ô ne na: “Qui sauvera la terre?”