Ngone tane é too melu 4, mbu 2022, angônda mbia jam a nga bobane mone tisone ya Uvalde, ngoto ya Texas, si ya États Unis, Kalate mefoé, The New York Times a jô na: “Môt a bili ngal, a nga nyiine sikôlô ba loone na Robb, a wôé bôngô 19 a beye’ele bebaé.”

 Égôngole jam é ne na, sa ke éyoñ ôsu le avale mbia jam ate a boban. Kalate mefoé ba loone na USA Today a jô na fo’o ve États Unis étam, “a vale mewôé me bôt éte, é bobaneya tañe biyoñe 249 be sikôlô, fo’o ve ataté mbu 1970 a zu kui den.”

 Amu jé mbia be mame bete ba boban? Aval avé bi ne jibi avale mame te? Ye bi ne tabe ndi na, fatan évô éte jé man? Bible a ve biyalane ya minsili mite.

•    Bible a jô na bia nyiñe “melu ma su’ulan” biyoñe bôte ba ye bo ‘te nye’e ba bevok’ ve “wumulu bebien,” nde ba ye bo njet a évô. Ajô te, ba ba ye liti mefule mete “ba ye nenenen abé.” (2 Timothée 3:1-5, 13) Asu na ô tu’a yeme mame mefe, lañek nlô ajô ô ne na “La Bible a-​t-​elle prédit la mentalité et la conduite des gens de notre époque?”

 Abui bôte da sili na: ‘Amu jé Zambe a jô’é na mbia be mame be kui, ane mewôé me bôte be sikôlô? Nge wo yi éyalan ja so Bible, lañe’e nlô ajô ô ne na: “Pourquoi les innocents souffrent-ils?”.

•    “mam mese me nga tiliban melu mvus, me nga tiliban mfa’a ya ñyé’ane wongan, nde,[...] amu mvolane minleme ya mintilan, bia ye tabe ndi minlem.”​—Beromain 15:4.

 Minye’elane ya Bible mi ne wo volô na ô jibi émo é ne njalan a njet ji. Lañe’eVee ôyo! a ne nlô ajô na: “La violence cessera-t-elle un jour?”.

 Bebiaé be ne koone melep mfa’a ya volô bone bap na, be bo te ko mbia mefoé ya émo ji woñ, a zene ya nlô ajô ône na: “Enfants et actualités troublantes”.

•    “A ye kôté nsisime wop mfa’a ya ékpwe’ele a évô”​—Besam 72:14.

•    “A ba ye lui minkpwaté mekône miap mi bo bityé ya senane si, a mekõne map me bo atyeñ ya sep bilé. Ayoñ da ye bo te bete nkpwaté mekôn a wosan ayoñ afe, nalé fe ba ye bo te beta yé’é mewosan.”​—Michée 4:3.

 Zambe a ye bo jame môta binan a vo’o bo. Éjôé jé ja ye jiane bipkwelé mewosane bise, a mane fatane évô ése. Nge wo yi na ô yeme mame mese Éjôé Zambe ja ye bo, lañe’e nlô ajô ô ne na: “‘Éjôé Zambe si, ‘mvo’é ja ye bo abui.’”