1. Bo nkôni Yaweh Nsi

Tshùade num Mén i, nab nze

Nelagde njoñ mfànnu be fa

Mbèn mbùʼ vù ndo yi manze.

A be ze be kañ ntù ben nà,

Be kuʼni nebéb lagde

Ntshùa num ju tshuʼ Kristô fà là,

Mbètte lagde num lén se.

2. Bʼaʼ jù bin ze kondèn

Be ze bag bin fiʼde Nsi

Nke ndagde fèt ben bo bwôntù,

Ndaʼde kondèn bo nkôni.

Be ziʼ ne nke mfènde ben ben,

Mbèn nke mbàm netshùagde ntù;

Be fà nkuʼni njoñ fèt ben fa,

Tshù manze nkôni ndùb là.

3. Kondèn bʼa taʼ mat ndùb

Ndù njoñ ben fa ghù nedùʼ.

Aʼ tshùb ben ne nke njagde mbaʼ

Nebàn mèn, ntswe bo zwentù.

Ngelañ be fiʼde Yaweh Nsi,

Nsi nkôni, moʼ keʼ be là,

Mba bag bin aʼ lagde fèt ben;

Mfude Nsi mve kamànyam.