1. Mariah, Esta, Sara, Rut boa tsemoʼ

Tshù bènnzwi nkuʼni là, ntshob nu ntsin num bwe.

Nelat num Nsi naʼ mbʼa mbwe ju ntùm yôg sub.

Bo naʼ bʼa bènnzwi bamntù, be lèn ndén mube.

Bwoñ yub mbèn mbe ze Yaweh Nsi kô là;

Ndén mub ke ntùm Ntshob Nsi, là yub bamntù tsin tù.

2. Bwôntù bo fènntù, nkôni ntùn bo fide

Ba mat tse ntùm njù fa njoñ ben fa kô là,

Mbe mat tse tshen bènnzwi tshwèt nke nkwimde be.

Bo naʼ mfà mfiʼ ntùn zʼa bwô nenyàmde là.

Ndùlà fèt be benkristô tse bènnzwi

Num mfà mfiʼ ntùm bàmntù, zʼa bwô be fiʼde là.

3. Mà tshag boa ngon tshag, nàabàn, fèt bo ba fôg,

Mfà wut faʼ mbèn ntsiañde neghù zin njoñ i.

Bin ghù mbétni mbèn ngù mat nefà wut nsi,

Kà bin bwôg ke magde Nsi yab ntù num bin.

Bènnzwi bamntù, Yaweh Nsi tshùbte zin

Bin fènntù nèn miagde, njù nswe yà be mbañ bin.