Zi’te 6

Nufen Nsi b’a ke?

Nufen Nsi b’a zit dù à? (1)

We bèn mbe mfen bwe à? (2)

Tsemo’ benntùn tshwèt ntô boa mfen ké? O bùnte ndù ṅ, mba bo b’a ntu si’ i (3)

Ke z’a tshwèt nda’te mbe be b’a ntùm miagte ntwe’njù à? (4)

Ntùm ngelaṅ ndù manjam, ke ze Nufen Nsi a’ ghù benntùn nyiaṅtu à? (5-7)

1. Ngelaṅ a na’ mbe num nsitsha’ là, Yesu lo tswite ghazi’te nu i mat nelé’te num Nufen Nsi. Ta’ nufen b’a ta’ netô ndù ta’ mfen hèn ntsin tu bwe. Nufen Nsi b’a ta’ netô tu’ i. A te tun i à mfe kamànyam, mbe ndù a nsi tô njoṅ nsitsha’ fa. A nsi lànte, ke mba ndù à nsi ghù lèn Nsi làn no. A nsi ghù ze nekô Nsi be num nsitsha’ mba mfe kamànyam nà.—Matio 6:9, 10.

2. Nsi lo yab nka’ni mbe Yesu bèn zi be Mfen Nufen se. (Lukas 1:30-33) Ngelaṅ Yesu na’ mbe num nsitsha’ là, a lo la’te mbe a’ zi mb’a ta’ mfen mebwô, ntsin mbèn ndàn miagte. Ngelaṅ a na’ mbènnjam mfe kamànyam nà, Nsi lo ke yoṅ njo’i ndùse mbà Mfen Nufen se là. (Héber 10:12, 13) A lo be num 1914, Yehovah fà netô a na’ mbù Yesu là yi. Fe yen ngu’ là, Yesu tshwét ntô o: a b’a Mfen Yehovah yo’i mfe kamànyam nà.—Daniél 7:13, 14.

3. Yehovah bèn ntsho’ bétni bandum mba bènnzwi num nsitsha’ ndù bo nèn mfe kamànyam. Boa Yesu nsi ke tô benntùn nyiaṅtu mbà ba fenfen, ghatsho’te ntsha mba ghale’te Nsi là. (Lukas 22:28-30; Apokalipse 5:9, 10) Yesu lo tsiaṅ ben tse boa bo nsi tô ntùm Nufen se là ndù: “metsit bwoṅ njùmbwe.” Bo b’a ntu 144000.—Lukas 12:32; Apokalipse 14:1-3.

4. Be ndùs’a na’ njù fen nà, Yesu lo ta’ Satan boa tshùagkèt angél tse mfe kamànyam, ma’ yub num ngaṅ tsha’a. A b’a ju z’a ghù kà nukebwô njam num nsitsha’ fe 1914 là. (Apokalipse 12:9, 12) Ba ntsho, ba nziku’ ndùbndùb, ngokèt nzenze, benntùn nebe ke bèn nebwôg kàn, njoṅ tshen ni fa num ntùm “keki”  s’a tshwèt nda’te mbe Yesu ya ke ntô o, yen njù li bèn nja tsho ntùm mi miagte ntswe’njù là.—Matio 24:3, 7, 8, 12; Lukas 21:10, 11; 2 Timôtio 3:1-5.

5. Nda’nda’, Yesu se’ tsho’te benntùn ntsha, facte yub bag bag mba ngabéb mbwe be mfagte njùmbwe boa fot là. Ba “njùmbwe” b’a benntùn tse bo bam nu Yesu là. Nsi à’ fà yôg matmat bo num nsitsha’a. Ba “fot” b’a benntùn tse bo ke’ bam Nufen Nsi là. (Matio 25:31-34, 46) Num ngelaṅ à tshwèt ngebte là, Yesu nsi biagte njoṅ benntùn fa tse bo be mbà ba fot là. (2 Tésalonikà 1:6-9) A be z’o tshwét ndiag nebe ta’ ”njumbwe” Yesu là, mb’a tshwèt mbètte ndù o ke nju’ nkùn mebwô Nufen, mbèn nke mfa’ ju z’o zi’te là.—Matio 24:14.

6. Sénni, bo ghabte nsitsha’ ntumngô mayàme. Mba zit lo ghù se nufen. Men ntum ngô là num nde’ ntsho netèt bo bo njoṅ ngelaṅ fa. Là Nufen Nsi nsi se’ bate njoṅ nufen benntùn nyiaṅtu fa. A nsi b’a nda’ Nufen s’a’ ke ntô njoṅ nsitsha’ fa là. (Daniél 2:44) Yen ngelaṅ nà ntsho mi, nefètte lem benntùn mba mfamfa ngùninu mi. Njoṅ benntùn fa nsi tamte ntswe fite mba ntshuntshù’.—Mika 4:3, 4.

7. Ntùm ngu’ 1000 ze Yesu nsi be Mfen nà, bétni benntùn nsi kaṅ làn miagte, njoṅ nsitsha’ fa bèn nkaṅ nzi paradisi. A’ be kum miagte ngu’ 1000, ndù Yesu fa’ njoṅ tshu tse Nsi na’ mbètte yi là fa. Yen ngelaṅ nà, a ba’ Nufen Tàab. (1 Korintô 15:24) Numk’o ke bagte nsoṅ tuundà o, ke shun tsho lo, ju ze Nufen Nsi nsi ghù à?

[Netshaŋ bag fe ki 13]

A’ be num ze ngelaṅ netô Yesu, nkeban bo tôte mi