Yaweh Nsi fa Ñwaʼni Nsi ben—a taʼ tumlàm ndaʼ zʼa ghù bon ntoʼ mbuʼ mi 66 là. Be o bètte wul o mbe: ‘Ñwaʼni Nsi fe à yà? We zʼa be tu num Ñwaʼni Nsi à?ʼ Nebùnde tshen mbètte li, bag bin yen mba Yaweh Nsi ghù kà mfà Ñwaʼni Nsi ben nà.

1. A be ze benntùn nyiañtu bèn nkide Ñwaʼni Nsi là, numke bo nke ntshob mbe a fe à Nsi à?

Nsi naʼ loʼ ghabamntù ntu 40 num nekide Ñwaʼni Nsi num nguan nguʼ 1600. Bo naʼ toʼde num nguʼ 1513 K.Z.N. mbèn miagde num nguʼ 98 Z.N. Ke mba ndù tshen ghabamntù là naʼ fe à ntùm ntañlaʼ nzenze, bo naʼ kidʼà ju ntshùʼ. Yennà kuʼni nebe à ndùke? Nummbe Nsi bèn mbe tu num Ñwaʼni Nsi. (Siañ 1 Tésalônikà 2:13.) Tshen ben nà naʼ ke kidʼà nkwade mube. Là, “ywèt nelàn naʼ mbèn ntènde benntùn kà bo ntshob nu num ze tu Nsi.” * (2 Pétro 1:21) Nsi naʼ ntshùadʼà njam ywèt nelàn kà ntshagde tshen ben nà bo kide mi nkwade.—2 Timôtio 3:16.

2. We zʼa kuʼni nejù bin Ñwaʼni Nsi à?

“Njoñ ngô fa, njoñ tunndà fa, njoñ ntshob fa mba njoñ nzwit fa” kuʼni nejù bin nkùn mebwô tsʼa be ntùm Ñwaʼni Nsi là. (Siañ Apokalipse 14:6.) Sènni, moʼ ñwaʼni zʼa be ntùm ntshob nzenze mba Ñwaʼni Nsi là keʼ be. Mba we lo kuʼni nesiañ Ñwaʼni Nsi ntùm ntshob mi, kʼa be mba yà lo.

3. Yaweh Nsi naʼ tshètte Ñwaʼni Nsi à ndùke?

Bo naʼ kide Ñwaʼni Nsi à num ba tshu tse be a bagde là mba ba ngub nyàm boa ba mfe ñwaʼni bo nke tsiañ Papyrus là. Ndaʼndù, benntùn bo naʼ nkô Ñwaʼni Nsi là naʼ loʼ ngelañ nekide mbèn nkidʼé à mbu. Tsemoʼ ghatô njù bo ba tàndà tshôssi naʼ nke ndiag nebiagde Ñwaʼni Nsi, là tsemoʼ benntùn naʼ bam nebi mba yôg sub num netshètte Ñwaʼni Nsi. Yaweh Nsi naʼ ke fañ mbe sàm mènntùn ke sàm ju lo tshèttʼé netshobte bo be. Ñwaʼni Nsi mbe: “Ntshob Nsi be tswe tsʼa matmat.”—Esaya 40:8.

 TSWEʼ NTUN MI

5. Yaweh Nsi tshètte ntshob mi

 6. Taʼ buʼ ñwaʼni num njoñ benntùn fa

Moʼ ñwaʼni ze bo tode mbèn ngabte ntùm njù mba Ñwaʼni Nsi là keʼ be. Siañ Mfaʼ Ghantum 10:34, 35, mbèn mbùnde tshen mbètte li:

• Numke Yaweh Nsi kô mbe bo tode mbèn ngabte ntshob mi ntùm njoñ njù fa à?

• Ke zʼo kô num Ñwaʼni Nsi à?

 JU NETSHÙBE

Ñwaʼni Nsi fe à Nsi, a ghù mbe mba we lo kuʼni nesiañ i ntùm ntshob mi.

Mbètte nekwimde

• Netshob mbe Nsi tshagde benntùn nyiañtu bo kide Ñwaʼni Nsi nke mbagdʼà ke?

• Ke zʼa bwô o num mat ze Yaweh Nsi tshètte Ñwaʼni Nsi, mat bo todʼé mba mat bo ghabtʼé yi ntùm njù lʼà?

• Nelèn mbe Yaweh Nsi ghù njoñ tshu fa a bètte là netshobte bo wù njam Ñwaʼni Nsi tshwèt ngù o juʼ wul o à ndùke?