BAG I 14
Be zebe ghamde bwô Nsi à ndùke?
Mba be yen ntùm bag i 13 nà, Nsi keʼ be bam njoñ ba tshôssi fa. Ndaʼndù be kuʼni neghamde Nsi bo taʼ mat zʼa tsiañde ntù i là. Zit mat neghamdʼé [ke zit tshôssi] lo bèn nke ntsiañde ntù i à? (Yakobo 1:27, kide tun fe) Yen ju ze Ñwaʼni Nsi tshwèt ntswide mfà num bwe là.
1. A bètte zebe ghamde yéʼdʼà num ke?
A bètte zebe ghamde yéʼdʼà num Ñwaʼni Nsi. Yésu naʼ tshob Nsi mbe: “ntshob mu bʼa nenùne.” (Yohané 17:17) Tsemoʼ tshôssi num ngwag nenùn a be ntùm ntshob Nsi, Ñwaʼni Nsi là. Bo num mbade yennà bo ntenu mba nkwade benntùn nyiañtu. Yaweh Nsi keʼ be kô benntùn bo num mbiagde “ntshùʼ Nsi” là. (Siañ Marko 7:9.) Num moʼ bag i be num ntsiañde ntù Nsi ngelañ be ze ntshùʼ tse mbèn njéʼde zebe ghamdʼà num Ntshob mi là.
2. A bètte be ghamde Yaweh Nsi à ndùke?
Mba Yaweh Nsi bʼa ngabom ben nà, a bètte be ghamdʼà ndaʼ yi. (Apokalipse 4:11) Yenni nke mbagdʼà mbe be ghù nekô i mbèn ngamdʼà ndaʼ yi, ke nke ngamdʼé à bo ba neto ke ba netshañ no.—Siañ Esaya 42:8.
Zebe ghamde ghù “nelàne, [mbèn] mbwô Nsi.” (Roma 12:1) Yenni nke mbagdʼà mbe ntùm yôg be, a bètte be ze tun ntshùʼ Yaweh Nsi. Mba mfiʼ là, ben bo be nkô Yaweh Nsi là num nkô mbèn nze tun ntshùʼ tse mfà num nandà. Bo num mbèn nguaʼ ba mat kebwô mba nenu ndebaʼ nkàne, mba nenu nduʼ mbum nà. *
3. Numke a mbètte be nke ngamde Yaweh Nsi bo tsemoʼ ghafaʼ tse à?
Tsebe ntseʼde njoñ ngabnjù fa num mfà manze “nenyàmde Yaweh Nsi ntùm mbumde.” (Yobkwi 111: 1, 2) Taʼ manze bʼa neyob ghamde zebe Nsi. (Siañ Yobkwi 104:33.) Yaweh Nsi bèn ntshob mbe be nke nseʼ ntseʼde nummbe a kô be, mbèn ndèn mbe tshen ntseʼde là aʼ ywimde be nejù bin yôg matmat. Ngelañ tsebe ntseʼde bag bin num nso kù num be, be be.
TSWEʼ NTUN MI
Tsweʼ ntun njen ju zʼa ghù Yaweh Nsi ke be bam mbe bo loʼ ba netshañ ngamdʼé yi là. Ziʼde ba manze tse be bag bin tshùade bwe ngamde Nsi là.
4. A keʼ bètte neghamde Nsi bo ba netshañ
Be lèn à ndùke mbe Nsi keʼ be kô mbe bo ghamdʼé bo ba netshañ à? Lôde LAʼDE NESTHAÑ, Mbèn mbùnde yen bètte li.
-
Ngelañ mbwe, ke zʼa naʼ ntôg ngelañ tsemoʼ benntùn naʼ ndiag neghamde Nsi bo ba neto à?
Tsemoʼ benntùn num nkwade mbe neghamde Nsi bo ba netshañ aʼ ywimde yub neghebtʼé. Ndaʼndù yennà nke njôg ndoʼ yub nèn yi à ngùanesà mbañ i. Siañ Netume 20:4-6 bo Yobkwi 106:35, 36, mbèn mbùnde tshen mbètte li:
-
Tsit neto ke netshañ no o yà yen benntùn loʼ num neghamde Nsi yi à?
-
Yaweh Nsi nke njuʼ wul i à ndùke ngelañ bo num ngamdʼé bo ba netshañ à?
-
O nke nkwadʼà ke mfà num neloʼ ba netshañ ke neto lo num neghamde Nsi yi à?
5. Neghamde ndaʼ Yaweh Nsi ghù be tum nkuan ntswide kebwô
Yen mba neghamde Yaweh Nsi mbʼa kô là ghù be tum nkuan ntswide kebwô là. Lôde LAʼDE NESTHAÑ.
Siañ Yobkwi 91:14, mbèn mbùnde yen bètte li:
-
Yaweh Nsi bù neghù à ke ben a be ze be kô i mbèn ngamdʼà ndaʼ yi à?
6. Be num ngamde Nsi ngelañ ntseʼde
Be num ngamde Yaweh Nsi mbèn nso kù num tsemoʼo ngelañ be num njob nkwi mbèn mfà mbùnde ndà ntseʼde là. Siañ Yobkwi 22:22, mbèn mbùnde tshen mbètte li:
-
O yà toʼ jù bin ba mbùnde ndà ntseʼde ké?
-
O kô nenabte wul o num nefà taʼ bùnde ké?
7. A num ntsiañde ntù Yaweh Nsi ngelañ be soñ tsemoʼ benntùn tshu tse be tshwèt nziʼde là
Mbeʼyàm manze be là tse be kuʼni netshùade bwe nsoñ nenùn Ñwaʼni Nsi tsemoʼ là. Siañ Yobkwi 9:1 bo 34:1, mbèn mbùnde yen bètte li:
-
Ke zʼo ziʼde ntùm Ñwaʼni Nsi zʼo kô nesoñ moʼ mènntùn yi à?
TSEMOʼ BENNTÙN NUM NTSHOB MBE: “Be keʼ kuʼni netsiañde ntù Nsi.”
-
O kwade yu à ndùke?
JU NETSHÙBE
Be num ntsiañde ntù ngabom ben ngelañ be ghamdʼà ndaʼ yi, ngamdʼé ngelañ ntseʼde, mbèn nsoñ tsemoʼ benntùn tshu tse be tshwèt nziʼde là.
Mbètte nekwimde
-
Be kuʼni neziʼde neghamde Nsi bo mat a kô lʼà ndùke?
-
Numke a mbètte neghamdʼà ndaʼ Yaweh Nsi à?
-
Numke a mbètte neghamde Yaweh Nsi bo tsemoʼ ghafaʼ tse bo kô netsiañde ntù i à?
DIAGE
Siañ tshô: “Je ne suis plus esclave des idoles“, njen ju zʼa ghù taʼ mènnzwi tsin neghamde Nsi bo neto là.
“La Bible transforme des vies” (La Tour de Garde, 1er juillet 2011)
Ziʼde ju zʼa kuʼni neywimdʼo nefà mbùnde ngelañ ntseʼde là.
“Loue Jéhovah dans lʼassemblée” (La Tour de Garde, janvier 2019)
Yen mba taʼ nguanmèn jù bin ntseʼde a be be ndù a naʼ ke fiag yi neseʼ ntseʼde là.
Bwoñ benkristô num ngamde Nsi bo fantaʼtù, ndaʼndù a bètte neghamde Nsi bo yi ké?
“Pourquoi les Témoins de Jéhovah nʼutilisent pas la croix dans leur culte?” (Ñwaʼni num jw.org)
^ Bag bin aʼ tshob nu mfà num tshen mat kebwô là ntùm ba bag tsʼa mbwe là.
