BAG I 23
Neghù nyuʼntse—Taʼ mbwô mfiʼ!
Yésu naʼ tswide mbe a bètte mbe benkristô ghù nyuʼntse. (Siañ Matio 28:19, 20.) Ndaʼndù neghù nyuʼntse nke mbagdʼà mbe ke? Numke a mbètte mbe mènntùn loʼ mfiʼ neghù nyuʼntse à?
1. Neghù nyuʼntse nke mbagdʼà mbe ke?
Lag ntshob “nyuʼntse” ntùm ntshob Grikia nke mbagdʼà mbe “netsho” ntùm ntse. Ngelañ Yésu naʼ ghù nyuʼntse là, a tsho ntùm ntse Yordan, be nèn mbwe a “tum ntse.” (Marko 1:9, 10) Mba Yésu là, benkristô tse nenùn num be ghù nyuʼntse, njoñ wut yub fa tsho ntùm ntse.
2. Neghù nyuʼntse nke ndaʼdʼà mbe ke?
Mènntùn num ngù nyuʼntse num nelaʼde mbʼa fà wul i Yaweh Nsi. Mènntùn nke mfà wul i Yaweh Nsi à ndùke? Kà ngù nyuʼntse, ngelañ a be tùʼ i là, a leʼde Yaweh Nsi ntshob yi mbe a kô neghamdʼé njoñ yôg se fa. A bù neghamdʼà ndaʼ Yaweh Nsi, mbèn njab ze nekô mbwe dùʼ ntùm yôg se. A loʼ mfiʼ “negha tu wul i . . . mbèn ntam njam” Yésu num nebét tse ntswide. (Matio 16:24) Ze nefà wut Nsi bo ze neghù nyuʼntse tshwèt ntshoʼ manze yi nekut taʼ mbwô kushun bo Yaweh Nsi mba bo ghafaʼ tse.
3. Ke zʼa bètte mènntùn ghù kà ngù nyuʼntse à?
Kà ngù nyuʼntse, a bètte o ziʼde nelèn Yaweh Nsi mbèn ndùʼ taʼ bamntù zʼa ta là mfà num i. (Siañ Héber 11:6.) Yu lènde bo yu bamntù mfà num Yaweh Nsi aʼ be kwiʼde, o bèn nkô i neshu. Moʼ magde ke bwe mbʼoaʼ kù ntù netshob mfà num Nsi tsemoʼo mbèn nze tun ntshùʼ mi ntùm yôg so. (2 Timôtio 4:2; 1 Yohané 5:3) Ngelañ mènntùn toʼde nezin num “mat zʼa bwô [Yaweh Nsi] miagde” là, bʼa loʼ mfiʼ nefà njoñ yôg se fa yi mbèn ngù nyuʼntse.—Kolosé 1:9, 10. *
TSWEʼ NTUN MI
Yen ju ze be kuʼni neziʼde mfà num nyuʼntse Yésu, mbèn njen mba mènntùn kuʼni nenabte wul i num neghù nyuʼntse là.
4. Tshu tse be kuʼni neziʼde mfà num nyuʼntse Yésu là
Siañ Matio 3:13-17 neziʼde tsemoʼ tshu mfà num nyuʼntse Yésu. Mbèn mbùnde tshen mbètte li:
-
Yésu naʼ keʼ à mén ngelañ a ghù nyuʼntse ké?
-
A naʼ ghù nyuʼntse à ndùke? Bo naʼ neʼ ntse à num tu i ké?
Yésu naʼ toʼde nedunde faʼ ze Nsi naʼ mfà yi num nsitshaʼ ngelañ a ghù nyuʼntse là. Siañ Lukas 3:21-23 bo Yohané 6:38, mbèn bùnde yen bètte li:
-
Yésu naʼ ghù nyuʼntse, njab à zit faʼ num mbwe dùʼ ntùm yôg se à?
5. O kuʼni neghù nyuʼntse
Bʼo yen nefà wut Nsi bo neghù nyuʼntse mba taʼ mfiʼ zʼa ta nedunde là. Ndaʼndù o kuʼni nekuʼ num bag ywèt kà ngù tànntù nedunde sen mfiʼ ndùb là. Neyen tsemoʼ benntùn bo ghù yennà là, Lôde LAʼDE NETSHAÑ.
Siañ Yohané 17:3 bo Yakobo 1:5, mbèn mbùnde yen bètte li:
-
Ke ze bʼa ywimde mènntùn nekuʼ num bag ywèt kà ngù nyuʼntse à?
-
Nefà wut ben Nsi bʼa netshob Yaweh Nsi ntùm leʼde mbe be kô neghamdʼé matmat
-
Neghù nyuʼntse bʼa nelaʼde tsemoʼ mbe be fà wut ben Nsi
6. Neghù nyuʼntse bʼa netsho ntùm tunndà Yaweh Nsi
Ngelañ be ghù nyuʼntse là, be tsho ntùm tunndà ndùb Yaweh Nsi ntùm njoñ njù sagkuà fa. Njoñ ghakwénta Yaweh Nsi fa tse bo ghù nyuʼntse là, ke lôde yub tañlaʼ, nke ngù à ntswide ntshùʼ, mbèn nke mbél à tun ntshùʼ ntshùʼ. Siañ Yobkwi 25:14 bo 1 Pétro 2:17, mbèn mbùnde yen bètte li:
-
Mènntùn ghù nyuʼntse mba ze kushun bo Yaweh Nsi mba boa ghafaʼ tse aʼ bʼa ndùke?
TSEMOʼ BENNTÙN NUM NTSHOB MBE: “Me keʼ yoñ nkuʼni neghù nyuʼntse.”
-
A be zʼo tshwèt njuʼ wul o à ndùlà, mbʼo kwade mbe a bʼa taʼ mfiʼ zʼo kuʼni nedunde ké?
JU NETSHÙBE
Yésu naʼ tswide mbe a bètte mbe benkristô ghù nyuʼntse. Nedunde sen mfiʼ là, a bètte taʼ mènntùn dùʼ taʼ neta bamntù mfà num Yaweh Nsi, mbét tun ntshùʼ tse ntùm yôg se mbèn mfà wul i yi.
Mbètte nekwimde
-
Neghù nyuʼntse nke mbagdʼà mbe ke, numke a mbʼa ju ndùb à?
-
Neghù nyuʼntse nke ndaʼdʼà mbe ke?
-
Tsit tshu a bètte mènntùn ghù kà mfà wul i Nsi mbèn ngù nyuʼntse à?
DIAGE
Yen ju ze neghù nyuʼntse be yi là mbèn njen ju zʼa keʼ be là.
Mbèn ndôde ba manze nekuʼ num bag ywèt kà ngù nyuʼntse.
“Lʼamour et la reconnaissance pour Jéhovah mènent au baptême” (La Tour de Garde, mars 2020)
Siañ njen mba taʼ mandum naʼ siañde kuaʼ mebwô kà ndoʼ mfiʼ neghù nyuʼntse là.
“Ils voulaient que je découvre la vérité par moi-même” (La Tour de Garde, 1er février 2013)
Yen ju zʼa ghù neghù nyuʼntse bʼa taʼ mbwô mfiʼ, mbèn njen mbʼo kuʼni nenabte wul o num nedunde yen mfiʼ là là.
^ A be ze mènntùn ghù nyuʼntse ntùm taʼ tshôssi là, mbʼa bèn mbètte a ghù nyuʼntse. Numke? Nummbe yen tshôssi là keʼ be tswide nenùn Ñwaʼni Nsi.—Lôde Mfaʼ Ghantum 19:1-5 bo Bag i 13.
