Nukebwô, ngeʼ mba vù fe à mbwe tà be, Adam bo Eva, tse bo naʼ nta tu Nsi là. * Ndaʼndù bag bin ghù taʼ nywinde. Yaweh Nsi naʼ tshùade njam mén i Yésu Kristô ntshuʼ ben num nkuan nukebwô mba vùkob. Ñwaʼni Nsi tshwèt ntswide mbe ntshùade njam vù se, Yésu naʼ bé ju tshuʼ. Ju tshuʼ bʼa ju ze bo be mbé num nesô mènntùn ndà nkuan nà. Yésu naʼ ndoʼ à yôg se nelàn miagde mbé ju tshuʼ yi. (Siañ Matio 20:28.) Yésu naʼ bam ze tu nefà yôg matmat a naʼ mbe aʼ ghù num nsitshaʼ là num tu benntùn nyiañtu. Ndùlà a ghaʼ manze ben nebèn njù bin njoñ tshu fa tse Adam bo Eva naʼ mbi là. Yésu naʼ bèn ndaʼde mbe yi bo Yaweh Nsi kô ben. Yen bag li aʼ ywimde be nebèn nyàmde vù Yésu neshu.

1. Bag bin kuʼni nejù bin vù Yésu sènni à ndùke?

Mba bag bin bʼa ben kelàn miagde là, bag bin num ngù bwoñ tshu tsʼa num mbag Yaweh Nsi là. Ndaʼndù bag bin nywin num nukebwô be ghù là, mbètte lagde Yaweh Nsi ntshùade njam Yésu Kristô, mbèn ngù njoñ tsebe nkagtùn fa nenya ke bèn ngwù ntùm yen nukebwô là, mba bag bin kuʼni nekut taʼ kushun zʼa ta là bo Nsi. (1 Yohané 2:1) Ñwaʼni Nsi mbe: “Be ndañndañ mba Kristô lo kwù yoñ ntshùʼ num njoñ yoñ tse fa num nukebwô, yi mèn netsin num ben ketsin, ndù a tshag zin mbañ Nsi.”​—1 Pétro 3:18.

2. Bag bin nsi jù bin vù Yésu ndùmànyam à ndùke?

Yaweh Nsi naʼ tshag Yésu a fà yôg se nelàn miagde num tu benntùn nyiañtu “ndù mba we lo zʼa bam Yésu là, kà bi, là ndù a ghù yôg matmat.” (Yohané 3:16) Ntshùade njam ju ze Yésu naʼ ngù là, me ndaʼndaʼ Yaweh Nsi nabte njoñ nukebwô fa ze tatu Adam loʼ nseʼ yi là. Yenni diag tshob à mbe, be ghù bamntù mfà num ju tshuʼ Yésu fà là, mba bag bin aʼ ghù yôg matmat ntùm paradis num nsitshaʼa!​—Esaya 65:21-23.

 TSWEʼ NTUN MI

3. Vù Yésu sô ben ndà nkuan nukebwô mba vùkob

1. Adam naʼ làn miagde; a naʼ fàn ntshùʼ Nsi, ndùlà nkag nukebwô mba vùkob num njoñ benntùn fa

2. Yésu naʼ làn miagde; a naʼ juʼ ntshu Nsi, ndùlà ngaʼ manze yôg matmat benntùn nyiañtu

4. Njoñ benntùn fa kuʼni nejù bin vù Yésu

 5. Ju tshuʼ bʼa ndaʼ ze Yaweh Nsi fà wù là

Shun Yaweh Nsi nke njen ju tshuʼ à mba taʼ ndaʼ ze Yaweh Nsi fà bo là. Mba mfiʼ là, Siañ Galatia 2:20, mbèn mbùnde yen bètte li:

• Ngantum Paulo naʼ ndaʼde mbʼa naʼ nke njen ju tshuʼ à mba taʼ ndaʼ ze Yaweh Nsi fà yi lʼà ndùke?

Ngelañ Adam naʼ mfàn ntshùʼ là, yi boa bon tse tùʼ nkuan vù. Ndaʼndù Yaweh Nsi tum Mén i a kwù ndùlala ndù o kuʼni neghù yôg matmat.

O be siañ tshen nka Ñwaʼni Nsi li, siañde nu mfà num mba Yaweh Nsi naʼ nke njuʼ wul i ngelañ ze Mén i naʼ nke njen ngeʼ là. Siañ Yohané 19:1-7, 16-18, mbèn mbùnde yen bètte li:

• O nke njuʼ wul o à ndùke ngelañ o num nsiañde nu mfà num ju ze Yaweh Nsi bo Yésu ghù wù à?

 JU NETSHÙBE

Yaweh Nsi nke ntshùadʼà njam vù Yésu ndagde tsebe nukebwô, a bèn mbʼa njam bwe ze be kuʼni neghù yôg matmat là.

Mbètte nekwimde

• Numke Yésu naʼ nkwù à?

• Mba Yésu naʼ ndàn miagde là, ke zʼa naʼ nkuʼni neghù à?

• Bʼo jù bin vù Yésu à ndùke?