BAG I 36
Be mèn nenùn ntùm njoñ tshu fa
Mba we lo kô neghù shun bo be ben nenùn nà. Mba Yaweh Nsi num mbètte shun tse bo be ben nenùne. Ndaʼndù, a keʼ fiag nebe mèn nenùn ntùm taʼ njù zʼa dun benntùn bo num ntatte là. Tsit bin bo num njù nebe ben nenùn njoñ ngelañ fa à?
1. Ju ndùb zʼa num ntènde be nebe ben nenùn nà bʼa zile?
Ngelañ bag bin num mbe ben nenùn mbwe tsemoʼ là, be num ndaʼde Yaweh Nsi mbe be kô i mbèn nke nkuʼni i. Yaweh Nsi lèn njoñ tshu fa tse be num nkwade mbèn ngù là. (Héber 4:13) Bag bin num nkagtùn nebe ben nenùne, yennà tsiañde ntù i. Ntshob mi mbe: “Nu ghaghù nukebwô be mbag Yaweh Nsi. Là, a ke mbʼa shun ben ndañndañ.”—Tànkùt 3:32.
2. Ba mat nelaʼde mbe be bʼa ben nenùn ntùm yôg ben bʼa tsile?
Yaweh Nsi kô mbe “mba we lo ke ntshob nenùn mvèl i.” (Sakaria 8:16, 17) Yennà nke mbagdʼà mbe ke? Be diag netshobte bo zebe tunndà, shunfaʼ, fèt be tse bandum mba tse bènnzwi num bag ywèle, ke ngomnaʼ lo, mbʼa keʼ bètte be tatte yub ke nefùde yub lo. Ben nenùn keʼ be yi tshu tsemoʼo ke bèn ne mfùde yube. (Siañ Tànkùt 24:28 bo Efésô 4:28.) Bo num mbèn mbé njoñ tshob mfiʼ ke ntshub lo fa. (Roma 13:5-7) Be ghù ndùlala, mba bag bin aʼ laʼde mbe be “kô nezin mebwô ntùm njoñ tshu fa.”—Héber 13:18.
3. Bin nebe ben nenùn bʼa tsile?
Bo lèn ben mba ben nenùn nà, mba boaʼ so ntshém be. Yennà aʼ ywimde mbe ndà ntseʼde tswe ntùm fide mba taʼ tunndà zʼa dun nkôni là. Bag bin aʼ ghù taʼ mbwô nzentù. Nebe ben nenùn bèn nkuʼni nefà “ghamde ntswide Nsi, ngayôg be,” mbèn ntènde benntùn bo ghamde Yaweh Nsi.—Titô 2:10.
TSWEʼ NTUN MI
Yen ju ze Yaweh Nsi num nkwade mfà num nebe mèn nenùn nà, bin ze bʼo jù njam nebe mèn nenùne, mbèn njen mbʼo kuʼni nebe mèn nenùn ntùm yôg so là.
4. Nebe mèn nenùn be ntsiañde ntù Yaweh Nsi
Siañ Yobkwi 44:21 bo Malashi 3:16, mbèn mbùnde tshen mbètte li:
-
Numke a ke bʼa zenu nekwade mbe be bag bin lem nenùn à?
-
O kwade mbe Yaweh Nsi num njuʼ wul i à ndùke ngelañ be tshoʼ netshob nenùn, a be be ndù a keʼ fiag à?
Ngelañ bônkeʼ num ntshob nenùn nà, ntù tà tshob tsiañde. Ngelañ bag bin num ntshob nenùn nà, ntù Yaweh Nsi tsiañde
5. Be mèn nenùn njoñ ngelañ fa
Mbeʼyàm benntùn num nkwade mbe be bag bin ke be ben nenùn njoñ ngelañ fa. Ndaʼndù yen ju zʼa ghù a nke mbètte bag bin be ben nenùn njoñ ngelañ fa là. Lôde LAʼDE NETSHAÑ.
Siañ Héber 13:18, mbèn mbùnde tshen mbètte li. Bag bin kuʼni nebe ben nenùn . . .
-
bo zebe tunndà à ndùke?
-
dùʼ faʼ ke dùʼ ñwaʼni lo à ndùke?
-
tsemoʼ ngelañ à ndùke?
6. Bin tsʼa be njam nebe mèn nenùn nà
Num netoʼde, bʼa tswe à mba ndùse nebe mèn nenùn nke ndoʼ à ngùtni nseʼ yi num ben nà. Ndaʼndù ngelañ aʼ be tôg be yen mbe a bʼa mbwô ju neghù. Siañ Yobkwi 34:12-16, mbèn mbùnde yen bètte li:
-
Nebe mèn nenùn kuʼni neghù yôg so bèn mbwô à ndùke?
-
Taʼ ndu bo nzwi i bo be ben nenùn nà num ngù taʼ nandà zʼa ta là
-
Ba tàfaʼ num nso ntshém ghafaʼ bo be ben nenùn nà
-
Ben bo be ben nenùn ntùm yub ngô là num ngù mbwô lén mbwe ba ngomnaʼ
TSEMOʼ BENNTÙN NUM NTSHOB MBE: “A keʼ bag be zʼo tshob à metsit tatte là.”
-
Num yu tu, ke zʼa ghù Yaweh Nsi bàn njoñ ntatte fa à?
JU NETSHÙBE
Yaweh Nsi kô mbe shun tse be ben nenùn ntùm njoñ tshu fa tse bo num ntshob mbèn ngù là.
Mbètte nekwimde
-
Ba mat nelaʼde mbe be bʼa ben nenùn bʼa tsile?
-
Numke a ke bʼa zenu nekwade mbe be bag bin lem nenùn à?
-
Numkʼo nkô nebe mèn nenùn njoñ ngelañ fa à?
DIAGE
Ba tà bon kuʼni netswide bon tshob nebe ben nenùn à ndùke?
Numke a mbwô be nke ndunde tsebe nkaʼni à?
Yen ju zʼa ghù a bètte be bé mfiʼ ke ntshub lo, a be be ndù bo keʼ be faʼ mebwô bo yi là.
“Faut-il payer ses impôts?” (La Tour de Garde, 1er septembre 2011)
Ke zʼa naʼ ntènde taʼ mèn a naʼ nke ngù mfùmni là a bade yôg se ntùʼ mèn nenùn à?
“Jʼai découvert la miséricorde et le pardon de Jéhovah” (La Tour de Garde, 1er mai 2015)
