BAG I 44
Nsi num mbam njoñ ba jùa fa ké?
Yaweh Nsi kô mbe be jù bin yôg, mbèn ngù mba ba jùa tsemoʼ ngelañ. Là, a num mbam njoñ ba jùa fa ké? Be kuʼni nelaʼde zebe nkôni mfà num Yaweh Nsi num ju zʼa tshwèt ndôde ba jùa lʼà ndùke?
1. Numke Yaweh Nsi ke be bam mbeʼyàm jùa à?
Moʼndù oaʼ tshàm nejuʼ mbe tsemoʼ jùa nke njéʼdʼà num ntswide tatte, mbèn nke mfe à ghakelèn Nsi. Bʼa ghù ntamde bo tshunu ka ke bo ntswide mbe mèn num kwù ke kwù lo. Tsemoʼ jùa nke njédʼà num nkwade kebwô, mba ntswide tatte mbʼo be ke fiag ndon mba ju kebwô aʼ tum wù. Yaweh Nsi te bu num ghafaʼ tse mbe: “Bin tum netèt bo . . . kà bin kwag ju zʼa sagde là.”—2 Korintô 6:17. *
2. Yaweh Nsi nke njen ba jùa tsʼa num mfà nkuʼni zʼa keʼ bètte là benntùn nyiañtu à ndùke?
Yaweh Nsi te bu num ben mbe kà bag bin gwù ntùm ywiʼ “neyéʼde num mèn nyiañtu.” (Siañ Yérémia 17:5.) Tsemoʼ jùa num mfà nkuʼni ghatô ke ba soyé lo. Tsemoʼ nke mbʼa ba jùa ngô, ke ba jùa tsʼa num nkuʼni ba netshañ ngô mba nkam nzwe ngô là. (1 Yohané 5:21) Tsemoʼ bèn mbʼa ba jùa tshunu nkùnkù. Yaweh Nsi aʼ juʼ wul i à ndùke a be ze be fà nkuʼni zʼa keʼ bètte là mènntùn ke taʼ kum no, mbèn mbe kuaʼ ngelañ a ke tshwèt mfaʼ ku ntshùʼ bo ze nekô lʼà?
3. Tsit ngùninu kuʼni neghù Nsi ke bam taʼ jùa à?
Ñwaʼni Nsi tshwèt ntshùʼ “nebum nduʼ, nejù yàme, [mba] nenu yàme.” (1 Pétro 4:3) Ntùm mbeʼyàm jùa, benntùn keʼ be tshùb wut yub, bo num mbèn ngù tshunu ghàne. Be kô nenèn mbwe nebe shun Yaweh Nsi mbʼa bètte be kù lèn tshen mat kebwô là.
TSWEʼ NTUN MI
Yen mbʼo kuʼni netsiañde ntù Yaweh Nsi ntshùade njam neloʼ mbwô mfiʼ mfà num ba jùa là.
4. Ghuaʼ ba jùa tse Yaweh Nsi keʼ kô là
Siañ Efésô 5:10, mbèn mbùnde tshen mbètte li:
-
A bètte be lôdʼà ke kà ndoʼ mfiʼ neghù taʼ jùa à?
-
Tsit jùa benntùn num ngù neshu dùʼ zʼo be ntswe bwe lʼà?
-
O kwade mbe tshen jùa là be mbwô Yaweh Nsi ké?
Mba mfiʼ là, o yà toʼ bètte wul o ju ze Nsi num nkwade mfà num jùa léʼ bwe ké? Ñwaʼni Nsi keʼ toʼ tshob mbe taʼ ngafaʼ Yaweh Nsi naʼ ghù ze jùa léʼ bwe. Ndaʼndù a tshob mfà num ben bàa tse bo naʼ ngù sub jùa léʼ bwe ndù bo naʼ ke nke ngamdʼé là. Siañ Netoʼde 40:20-22 bo Matio 14:6-10, mbèn mbùnde tshen mbètte li:
-
Ntamde netèt tshen jùa léʼ bwe bàa là bʼa tsile?
-
Mba tshen tshô Ñwaʼni Nsi li tshwèt ndaʼde là, Yaweh Nsi nke nkwadʼà ke mfà num jùa léʼ bwe à?
Bʼo bèn mbètte mbe, ‘a bʼa kuaʼ ju ndùb Yaweh Nsi a be ze me nèn jùa léʼ bwe ke moʼ jùa zʼa keʼ be ntùm Ñwaʼni Nsi là ké?ʼ Siañ Netume 32:1-8. Lôde LAʼDE NETSHAÑ mbèn mbùnde tshen mbètte li.
-
Numke a mbètte be lôde a be ze Yaweh Nsi num mbam taʼ jùa à?
-
Be be ghù yennʼà ndùke?
Be be lèn à ndùke be ze Nsi keʼ be bam taʼ jùa à?
-
Yen jùa là yéʼdʼà num ntswide a keʼ fe à ntùm Ñwaʼni Nsi ké? Num nelène, a bwô o tsweʼ ntun yen jùa là.
-
A tshwèt mfà ghamde zʼa keʼ bètte là benntùn, ba kum, ke ba netshañ ngô lo ké? Bag nke mfà nkuʼni à Yaweh Nsi ke bʼa mèn ghua mbèn nke nso ntshém yi mbʼaʼ nabte njoñ ba ngùtni fa tsʼa be ntùm njù là.
-
Ba tshu tse bo num ngù ngelañ tshen jùa là num nzin ku ntshùʼ bo ntshùʼ Ñwaʼni Nsi ké? A bètte be tswe nelàn ntùm nkwade ben mba ntùm ntù ben.
5. Ywimde tsemoʼ nekuʼni ntswide tsʼo num mbam nà
Ngelañ benntùn num ntèndʼo neghù ba jùa tse Yaweh Nsi keʼ kô là, bʼa ta negha. Bagde tsho mfiʼ bo fènntù ngù nkuʼni. Neyen taʼ mfiʼ mba bʼo ghù là, lôde LAʼDE NETSHAÑ.
Siañ Matio 7:12, mbèn mbùnde tshen mbètte li:
-
Ntshùade num yen nka Ñwaʼni Nsi li, o ghù netshob benntùn yu tunndà tse bo ke tshwèt ngamde Yaweh Nsi là mbʼa keʼ bètte bo ghù ta jùa ké?
-
Ke ze bʼo ghù neso ntù yu tunndà mbe mba tà ndù o ke jù jùa boa bo, o kô yub mbèn nke nkuʼni yub à?
6. Yaweh Nsi kô mbe be juʼ tsiañde
Yaweh Nsi kô mbe be nke ntôg mbwô ngelañ bo zebe tunndà mba shun ben. Siañ Eklésia 8:15, mbèn mbùnde yen bètte li:
-
Yen nka Ñwaʼni Nsi li nke ndaʼdʼà ndùke mbe Yaweh Nsi kô mbe be juʼ tsiañdʼà?
Yaweh Nsi kô mbe ghafaʼ tse nke ntsiañde mbèn ntôg mbwô ngelañ bo bo. Lôde LAʼDE NETSHAÑ neyen yennà ngelañ tsebe bumde ndùb ntùm njù.
Siañ Galatia 6:10, mbèn mbùnde tshen mbètte li:
-
A bètte be tshùade njam ba jùa tse bwoñ benntùn num ngù là kà “ngù numebwô” tsemoʼ ké?
-
Ke zʼa ghù o juʼ tsiañdʼà—a bʼa nefà taʼ ndaʼ ngelañ taʼ jùa mba bwoñ benntùn num ngù là ke nefà à nummbe ntù o bèn ntèndʼo nefà à?
-
Bwoñ ghakwénta num ntswe tsemoʼ ngelañ nabte ba jùa bon tshobe, mbèn mfà ba ndaʼ bo, bo ke nke mbébte. A be zʼo ghù bônkeʼ là, ba bontsit mbwô mbwô tshu tse bʼo ghù bo là bʼa tsile?
TSEMOʼ BENNTÙN NUM NTSHOB MBE: “Ju ndùb keʼ be tsʼa dùʼ taʼ jùa fe là. A bʼa netôg mbwô ngelañ bo ba shun mba tunndà.”
-
Oaʼ bùndʼà ndùke?
JU NETSHÙBE
Yaweh Nsi kô mbe be tôg mbwô ngelañ bo ba shun mba tunndà. Là, a bèn nkô mbe be ghuaʼ ba jùa tsʼa num mbàn nà.
Mbètte nekwimde
-
Tsit mbètte kuʼni neywimde ben nelèn a be ze Nsi bàn taʼ jùa à?
-
Be kuʼni neywimde zebe tunndà boa shun ben nejuʼ mfiʼ ze be loʼ mfà num ba jùa lʼà ndùke?
-
O lèn à ndùke mbe Yaweh Nsi kô mbe be nke ntsiañde mbèn ntôg mbwô ngelañ à?
DIAGE
Yen tsemoʼ jùa tse benkristô keʼ be ghù là.
“Pourquoi les Témoins de Jéhovah ne célèbrent-ils pas certaines fêtes?” (Ñwaʼni num jw.org)
Lôde tshu nze kuà tsʼa tshwèt ndaʼde mbe Nsi keʼ be bam jùa léʼ bwe là.
“Pourquoi les Témoins de Jéhovah ne fêtent pas les anniversaires de naissance?” (Ñwaʼni num jw.org)
Yen mba taʼ nguanmèn bùnde bo nkuʼni ngelañ ze tsemoʼ benntùn dùʼ ñwaʼni nke nzwi i mbʼa keʼ be ghù jùa Krisimi là.
Ntshuʼ ntshuʼ benkristô tshoʼ nenya ke ghù jùa Krisimi. Bo nke njuʼ wut yub à ndùke num yub mfiʼ à?
“Ils ont trouvé mieux” (La Tour de Garde, 1er décembre 2012)
^ Lôde kide tun fe 5 nelèn mbʼo ghù ngelañ tsemoʼ jùa là.
