Lèn ju o tshwèt ndiag netswide là. Lôde a be ze bin yu tu ntshob bʼa netswide ju, neghù bo bam ke magde, kà neso kù num benntùn no, mbèn mfà i à mbʼa bètte là. Kagtùn neghù mbe njoñ ba bag ntswide ndùb fa ywimde bo juʼ ju o tshwèt ndiag netswide là.

Sañlañ num tu ndùb yu tu ntshobe. Netoʼde yu tu ntshob kà nèn miagde, ghù bo kwimde tu i ze ndùb ntshùade njam nebwôgde miag ntshob mi, tse ndùb, kà neke mfà mbagde men miag ntshob là lo.

Ghù ba bag ntswide ndùb làn mbèn fiag nejuʼu. Netèt ba bag ntswide ndùb, tshoʼ à ndaʼ tsʼa lat num yu tu ntshobe, o bèn nkuʼni netswidʼé mebwô ke tôg ngelañ bo fà wù là. Kà loʼ ba bag ntswide ndùb yàme, tùnde yub mebwô ntshùʼ ntshùʼ, be lo num ntshùʼ nèn num moʼ nzwiage, mbèn ntôg à ke faʼde.