ZIʼDE 16
Neso kù, mbèn ngù nkwade ntùn
Yob 16:5
BAG TSE TSE NDÙB: Sañlañ à num tshu tsʼa kut là, tshu tsʼa kuʼni neso kù num benntùn, bo bèn nso ntshém yi là.
TSHU TSʼA BÈTTE NEGHÙ LÀ:
-
Ghù nkwade mebwô mfà num ben tse bo tshwèt njuʼ o là. Yab ntù o mbe fèt tsho tshwèt ndiag netsiañde ntù Yaweh Nsi. A be be ndù a tshwèt mbètte o fà ntage, bwôgmbwe nyàmde yub ntù ntshùʼ, njoñ ngelañ fa zʼa fà bu là.
-
Yab ndù num nkùn kebwô. Tshob nu mfà num nkùn kebwô à ndaʼ ngelañ ze bʼa ywimde ben tse bo tshwèt njuʼ o là neloʼ taʼ zenu bwe là. Ghù yu tu ntshob netoʼde kà nèn miagde yéʼdʼà num nkwade ntùn.
-
Loʼ Ntshob Nsi mfaʼ yi mebwô. Soñde zenu mfà num ju Yaweh Nsi yà ghù là, num zʼa tshwèt ngù là, mba zʼa nsi ghù num benntùn nyiañtu là. Fà nywinde bo tànntù ben tse bo tshwèt njuʼ o là.
