Ywimde ben tse bo tshwèt njuʼ o là nesiañde nu mfà num yub kuzin. Fà mbètte tsʼa ke tshwèt ntsiañ mbùnde là num neywimde ben tse bo tshwèt njuʼ o là nesiañde nu num ju zʼa ntùm ntù tshob là.

Tènde ben tse bo tshwèt njuʼ o là neghù mbwô nkwade. Tènde ben tse bo tshwèt njuʼ o là nesiañde nu mfà num tshu tsʼa num ngù bo faʼ tshu mebwô là. Ywimde yub mbe tshen tshu ndùb li bèn nke ntènde yub nefaʼa​—nkôni mfà num Yaweh Nsi, num benntùn nyiañtu, mba nkôni mfà num ntswide Ñwaʼni Nsi. Siañde nu bo ben bo tshwèt njuʼ o là; Kà tshobte yube. Kà ghù bo ko tuswe, a bètte bo juʼ à neta mbèn nke nkù ntù nekagtùn nèn mbwe ngelañ zʼo miagde yu tu ntshob là.

Soñde nkwade ben tse bo tshwèt njuʼ o là mfà num Yaweh Nsi. Laʼde mba ntswide Ñwaʼni Nsi, tun ntshùʼ bo ntshùʼ tse num ndaʼde tse mat Nsi bo ze nkôni mfà num ben nà. Tènde ben tse bo tshwèt njuʼ o là bo ghù nzi nediag nkwade Yaweh Nsi mbèn ntsiañde ntù i.