FÀ BWÔNTÙ Nedù bag bin jù bin yen bumde ndùb li mbèn ngebte Yaweh Nsi, bo te ba mbwô ndiañ, ba ñwanze, ba tshu nelaʼde netshañ yi, boa tsemoʼ kum fètfèt tse bo tshwèt mfaʼ num neywimde mbe bumde tôg mebwô là. Neghù yennà bo bagde nkàb yàme. Tsin fà bwôntù num njwimde nebaʼ yen nkàb là mbèn ntomde faʼ Nufen ntùm njù sagkuà. Neghù a fiage bo tede ba koñ nkàb njoñ dùʼ fa. Bin bèn nkuʼni nenèn num donate.dan124.com. num nefà fà bwôntù num koñnkùn. Njoñ ba fà bwôntù fa be nenyàmde. Tu Ntseʼde tshwèt ndabte zine mba bin tshwèt mfà bo bwôntù num netomde faʼ Nufen nà.

FAʼ NETSIAÑDE BENNTÙN Fètfèt bo ghù faʼ netsiañde benntùn nà aʼ ywimde zine. Netshoʼo bin juʼ ju bo tshob bin nà mfà num neléʼ yañbaʼ, nekatte dùʼ bumde ndùb, neléʼ dùʼ netswe bwe, bo tsemoʼ tshu.

MBWE YWIMDE Netshoʼo, bin lèn mbe yen lagfaʼ là nke ndôdʼà ndaʼ ngelañ ze ngokèt faʼdʼo là.

NDIAÑ Netshoʼo, bin ghù bwôntù mfà num tsemoʼ benntùn. Bin léʼ ba dùʼ à ndaʼ num benntùn ntùm zin tunndà, tse bin à bo tshwèt ntswe dùʼ ntshùʼ, tse bin à bo katte là, ke tse bin à bo num nziʼde Ñwaʼni Nsi là lo. Netshoʼo, kà bin yab tshu num ndiañ tse bin ke tswe bwe là.

NEFÀ WUT NUM FAʼ A be ze bin kô nefà wut tsin num faʼ dùʼ bumde ndùb là, bin nèn dùʼ Lagfaʼ ba nkùn bo ghafà wut faʼ.

NYUʼNTSE Bo nya ke tshob ju ghua mba dùʼ ze benntùn bo ghù nyuʼntse tswe bwe là bʼa mbwe dùʼ nefà tu ntshobe. A bètte benntùn bo ghù nyuʼntse là tswe bwe Sasidé nkebnjù kà tu ntshob nyuʼntse toʼde. Mba we lo netèt bo aʼ ghù taʼ nzwe nyuʼntse a tsin nà bo taʼ tàwut.

TSHU TSʼA BI BO FON NÀ A bètte neyab mba zit ju lo zʼa bi là dùʼ lagfaʼ tshu tsʼa bi bo fon nà. Ndùla, a be ze bin bi ju là bin nèn mbètte yen lagfaʼ là. Taʼ mén bi mba boaʼ nèn mfà yi à num yen lagfaʼ là. Ndaʼndù nebe ke ghù lèn yen ngùtni là, netshoʼo bin lôde bon tsin kuaʼ mebwô mbèn ndéʼ yub mbañ bin.

Ñwaʼni ghasoñ nkùn mebwô Nufen Bo tshwèt ntsiañ ba ngaʼnze bo ghù nguʼ 23 kà nkum 65 là mbèn nkô neloʼ sub faʼ nesoñ nkùn mebwô nèn yi mbwe là, num ntseʼde ben bo kô nenèn Ñwaʼni ghasoñ nkùn mebwô Nufen nà sundé mvetnjù. Ntùm ba nkùn, boaʼ fà dùʼ bo ngelañ yennà nsi tôge.