Ngabom ben ghù zenu ntshùa ben. Mba taʼ tà nkôni là, a num nywin num ben. A naʼ ke toʼ diag mbe be bèn ntshagde wut ben. (Yérémia 10:23) Ndañndañ mba a bètte mbe tà bo mà bèn nke ntshagde metoʼ mèn yub là, a bètte mbe Nsi bèn ntshagde njoñ be fa. (Esaya 48:17, 18) Mat ze ba tun ntshùʼ Ñwaʼni Nsi be ntshagde ben yi là, bʼa taʼ ndaʼ zʼa fe Nsi là.​—Siañ 2 Timôtio 3:16.

Ntshùʼ boa tun ntshùʼ Yaweh Nsi be ntswide ben mbwô manze yôg sènni, mbèn ndaʼde mba be kuʼni nejù bin yôg matmat ndùmànyam nà. Mba Nsi bèn bom ben nà, a bʼa kuaʼ ju mebwô mbe be bam mbèn nyamde ze mat netshagde.​—Siañ Yobkwi 19:7, 11; Apokalipse 4:11.

Ba Tun ntshùʼ Ñwaʼni Nsi bʼa nenùn tse ndùb. Nseʼ mba ntshùʼ là, be bo be à num taʼ ngelañ. (Nebwôgde 22:8) Be ghù nesiañde mbèn nkwade mebwô kà njen mba ba tun ntshùʼ kuʼni neywimde ben neloʼ ba mfiʼ ntùn nà. (Tànkùt 2:10-12) Mba mfiʼ là, Ñwaʼni Nsi be ntswide mbe yôg bʼa taʼ ndaʼ zʼa fe Nsi là. Yen tun ntshùʼ là ghù netshagde ben dùʼ faʼ, ndà, mba ngelañ nenèn nkatte. A be ntènde ben netomde yôg.​—Siañ Mfaʼ Ghantum 17:28.

Yésu naʼ tshob mfà num tun ntshùʼ tse ndùb bàa. Mbwe i nke ndaʼdʼà nkwade Nsi mfà num yôg benntùn nyiañtu​—nelèn Nsi, nekô i, mbèn ngamdʼé ntù ntshùʼ. Be ghù neze yen mbwe tun ntshùʼ li  ntùm njoñ tse ben mfiʼ fa. (Tànkùt 3:6) Ben tse bo be nze yen tun ntshùʼ li là, be njù bin nebe nshun Nsi, netswe kuaʼ ntùm tsiañde, mbèn ngù yôg matmat.​—Siañ Matio 22:36-38.

Mbatte tun ntshùʼ be ntshagde ben neghù fide, mba mbwô kushun bo tsemoʼo. (1 Korintô 13:4-7) Neyab yen mbatte tun ntshùʼ li mum mfaʼ bʼa nefiʼde Nsi ntùm ngùninu mi bo benntùn nyiañtu.​—Siañ Matio 7:12; 22:39, 40.

Tun ntshùʼ Ñwaʼni Nsi be ntswide ba tunndà mba be bo kuʼni netamde ntùm nkôni là. (Kolosé 3:12-14) Ñwaʼni Nsi num mbèn mbe tshètte ba tunndà, ntswide yub moʼ tun ntshùʼ​—mbe nandà ghù netswe à yoñ ntshùʼ.​—Siañ Netoʼde 2:24.

Nezin num ntswide Ñwaʼni Nsi, kuʼni netshètte zeben ntswe mebwô. Mba mfiʼ là, ba tàfaʼ be nkô ghafaʼ tse bo num nze tun ntshùʼ Ñwaʼni Nsi nebe ben nenùn mbèn nkô faʼ là. (Tànkùt 10:4, 26; Héber 13:18) Ñwaʼni Nsi num mbèn ntswide ben netsiañde bo tshu tse be ghù là, mbèn nyamde nebe nshun Nsi ntshùa neghù fuʼ mbàb wut.​—Siañ Matio 6:24, 25, 33; 1 Timôtio 6:8-10.

Neyab tun ntshùʼ Ñwaʼni Nsi mum mfaʼ kuʼni netshètte ben num ngokèt. (Tànkùt 14:30; 22:24, 25) Taʼ mfiʼ li, neze ntshùʼ Nsi num nenu nduʼ mbume, kuʼni netshètte ben num tsemoʼ ngokèt, mba nekoñ fa. (Tànkùt 23:20) Yaweh Nsi bam mbe be nu nduʼ, là a bwô netshùb wut mbwe nduʼ. (Yobkwi 104:15; 1 Korintô 6:10) Bin ba tun ntshùʼ Nsi bʼa mbe a num ntswide ben nebàm nà, ke bʼa ndaʼ num zeben mat neghù, mba ba num mi ben nkwade. (Yobkwi 119:97-100) Là, benkristô tse nenùn keʼ be juʼ ntshu Nsi à ndaʼ num yub bin. Bo nke ngù yen nà à num nefà nkuʼni Yaweh Nsi.​—Siañ Matio 5:14-16.