Nemagde keʼ be, neziʼde tshen ntswide ndùb li ntùm Ñwaʼni Nsi ghù yu nkôni mfà num Yaweh Nsi nèn mbwe. A bwô nenèn mbwe nekém yen nkôni là. (1 Pétro 2:2) Yu nywinde num yôg matmat fe à mba o ghepte mbañ Yaweh Nsi bo mba o nèn mbwe neziʼde Ntshob mi là.​—Siañ Yohané 17:3; Yuda 21.

Mba o nèn mbwe num nelèn Nsi là, yu bamntù aʼ bèn ntaa. Bamntù aʼ ywimdʼo neghù Nsi tsiañde. (Héber 11:1, 6) Aʼ ywimdʼo neloʼ mvèn o ntam nukebwô yi mbèn ngù ba mbade ntùm yôg so.​—Siañ Mfaʼ Ghantum 3:19.

Ñ, oaʼ nke nkù ntù nesoñ tsemoʼ benntùn tshu tsʼo ziʼde là​—njoñ ben fa num ntsiañde nesoñ nkùn mebwô. Oaʼ be nèn mbwe ntùm yu ziʼde, nziʼde neloʼ Ñwaʼni Nsi mbagde yu bamntù yi mfà num Yaweh Nsi, mba num nkùn mebwô.​—Siañ Roma 10:13-15.

Tsemoʼ num be toʼde, nke nsoñ nkùn mebwô à shun tshobe mbèn ngù yub tunndà. Be tshob ke keʼ mèn. Tùʼ ndaʼ netshob bo mbe yub tshôssi keʼ bwô, soñ yub nu mfà à num nkaʼni Nsi. Mbèn nkwimde mbe yu mbwô mat num nkwag benntùn ntshùa ju zʼo tshwèt ntshob là.​—Siañ 2 Timôtio 2:24, 25.

Neziʼde Ñwaʼni Nsi aʼ ghù o kuʼ num bag ywèle. Ndùlala, o kuʼni neghù taʼ kushun tumlàm bo Yaweh Nsi. Kuaʼ nenùne, o kuʼni nebe taʼ mèn netèt ze tunndà.​—Siañ 2 Korintô 6:18.

Be o nèn mbwe nekuʼ num bag ywèlʼà ngelañ zʼo ke tshwèt ntshùb ziʼde Ntshob Nsi mfi mbu là. (Héber 5:13, 14) Bètte taʼ ngakwénta Yaweh Nsi mbe a ziʼde Ñwani Nsi bo wù ntùm: Que nous enseigne la Bible ? Oaʼ be kagtùn neziʼ Ntshob Nsi yàme, mba ba yôg so bèn nke mbwô nèn à mbwe.​—Siañ Yobkwi 1:1-3; 73:27, 28.

Nkùn mebwô nke mfe à Yaweh Nsi, Nsi tsiañde. Neghepte ghafaʼ tse aʼ ywimdʼo negheptʼé ze. (Héber 10:24, 25) O nèn mbwe nekagtùn neghù ntù Yaweh Nsi tsiañde, mba o nke ndaʼdʼà mbe o ghù nzi yôg ntùn​—Yôg matmat. Moʼ ju ze be o ghù a bwô ntshùa neghepte Nsi là keʼ be.​—Siañ 1 Timôtio 1:11; 6:19.