Nsi tshwèt ndiag mbe benntùn tswe mebwô num nsitshaʼa. A napte tshaʼ bo njoñ tshu fa tsʼa num bwe là nummbe a kô ben. Ndaʼndaʼ a ghù mbe yôg lamde num njoñ benntùn nyiañtu fa. A nsi sô ben ntùm ntobni boa njoñ ngeʼ fa.​—Siañ Yérémia 29:11.

Sàm netô mèn nyiañtu keʼ toʼ ghù mbe mvamva, ngokèt nzenze, mba vùkob mi. Ndaʼndù nkùn mebwô be là. Me ndaʼndaʼ, Nsi seʼ mbade njoñ ze netô mèn nyiañtu fa njab ze. Ben tse nsi ghù fide bo ntswe mebwô.​—Siañ Esaya 25:8; 33:24; Daniel 2:44.

Ngeʼ nsi mi à ngelañ Nsi biagde tshùagkèt benntùn num nsitshaʼ là. (Sofoni 2:3) A nsi be à se? Ntshob Nsi naʼ tshob nu mfà num tshu tsʼa tshwèt ngùtni benntùn sènni là. Tshu tsʼa tshwèt ntôg là, nke ndaʼdʼà mbe ngelañ ze Nsi biagde tshen tshu là là, yà ghepte.​—Siañ 2 Timôtio 3:1-5.

A bwô be ziʼde nelèn Nsi ntshùade à njam Ntshob mi. A be a mba taʼ ñwaʼni ze taʼ tà nkôni tshag ben nà. A num ntshob mba bag bin tswe mebwô ndonni là, mbèn njù bin yôg matmat ndùmànyam nà. A nenùn mbe tsemoʼ benntùn ke kô mbe bo ywimdʼo neziʼde Ñwaʼni Nsi. Là, ntswe mebwô matmat ntùm njù nswe bwô neshu nedù o bam nebi i.​—Siañ Tànkùt 29:25; Apokalipse 14:6, 7.