Nsi naʼ tseʼde nzwit ndéʼlaʼ Abraham mba taʼ ngô là, mbèn mfà ntshùʼ tse bo. A naʼ tsiañ yen ngô là “Israél”, mbèn nte yub mba ghabéb ghamde nenùn nà, mba ba ntshob mi. (Yobkwi 147:19, 20) Ndùlala, benntùn njoñ ngô fa naʼ kuʼni nejù bin ntshùade njam Israél.​—Siañ Netoʼde 22:18.

Nsi naʼ tshoʼ bon Israél bo be tse ghakwénta. Yub tshô tshwèt ndaʼde mba benntùn num njù bin ngelañ bo bét ntshùʼ Nsi là. (Nebwôgde 4:6) Ndùlala, ntshùade njam bon Israél, tsemoʼ kuʼni nelèn Nsi nenùne.​—Siañ Esaya 43:10, 12.

Ngelañ be tôge, Israél bi ze dùʼ mbwe Nsi, Yaweh bade yen ngô là bo ntseʼde benkristô. (Matio 21:43; 23:37, 38) Sènni, Benkristô tse nenùn tshwèt ngamde Yaweh Nsi mba ghakwénta mi là, dùʼ bon Israél.​—Siañ Mfaʼ Ghantum 15:14, 17.

Yésu naʼ tseʼde ghaziʼde nu i bo soñ mbèn ntswide benntùn ntùm njoñ ngô fa. (Matio 10:7, 11; 24:14; 28:19, 20) Sen faʼ là yà nke mi sènni, ntùm yen miagde ngelañ ni. Num mbwe yoñ ntùm tshô benntùn nyiañtu, Yaweh Nsi kùmde ntshuʼ ntshuʼ benntùn njoñ ngô fa ntùm ghamde nenùne. (Apokalipse 7:9, 10) Bo tseʼde Benkristô tse nenùn à num neso kù, mbèn njwimde wut tshob bo bo. Ntùm njoñ ngô fa, bo ghù taʼ nkazin num netswide Ñwaʼni Nsi ngelañ tshob mbumde.​—Siañ Héber 10:24, 25.

Ntùm nguʼ njù 1870, me mbeʼ ghaziʼde Ñwaʼni Nsi mbèn ntoʼde nefone nenùn Ntshob Nsi tsʼa naʼ nja bi là. Bo naʼ lèn mbe Yésu naʼ ntseʼde Benkristô à bo soñ Ntshob Nsi; Ndùlala, bo toʼde nesoñ mbwô nkùn nufen Nsi nguànesa. Ntùm nguʼ njù 1931, bo ket lén Ghakwénta Yaweh Nsi.​—Siañ Mfaʼ Ghantum 1:8; 2:1, 4; 5:42.

Num ngelañ Yésu, kum tu ntseʼde zʼa naʼ mbam Yésu mba mven ntseʼde là, naʼ nke ntshagde benkristô ntùm ngô nzenze, yen nà ghù bo jù bin yàme. (Mfaʼ Ghantum 16:4, 5) Mba sènni, Ghakwénta Yaweh Nsi ntùm njù sagkuà fa num njù bin Kum Tu Ntseʼde. Yen kum ghakwé mbwe là num ntshagde Tèdlaʼ Ghakwénta Yaweh Nsi tse bo num mbagde, mféle, mbèn ngapte ba ñwaʼni neziʼde ntùm ntshob 600 ntôgde là. Ndùlala, Kum Tu Ntseʼde num nso kù, mbèn ntshagde ndà ntseʼde nguan 100 000 ntùm njù sagkuà. Ntùm mba zit ndà ntseʼde lo, bandum bo kuʼni là num faʼ mba ghakwé mbwe, ke ghatshagde lo. Tshen bandum nà num ndôde njùmbwe Nsi bo nkôni.​—Siañ 1 Pétro 5:2, 3.

Faʼ ntseʼde Ghakwénta Yaweh Nsi bʼa nesoñ nkùn mebwô mbèn ntswide benntùn bo be ghaziʼde nu Yésu. Mba ba ghantum nà, bag num nèn tshundà tshundà. (Mfaʼ Ghantum 20:20) Bag num mbèn bam neziʼde Ñwaʼni Nsi bo ben tse bo kô nenùn ntù ntshùʼ là. Ndaʼndù Ghakwénta Yaweh keʼ bʼa ndaʼ taʼ ntseʼde. Bag bʼa taʼ tunndà, Tà yag be Tà nkôni. Bag bʼa fètfèt tse bandum mba tse bènnzwi ndù bag num nywin num fèt tshage. (2 Tésalônikà 1:3) Mba ntseʼde ghafaʼ Yaweh Nsi bʼa num netsiañde ntù i mbèn njwimde tsemoʼ benntùn nà, moʼ tunndà zʼa tsiañde num nsitshaʼ ntshùa yub là keʼ be.​—Siañ Yobkwi 33:12; Mfaʼ Ghantum 20:35.