Satan boa bebun tse keʼ kô neyen zin bin nke mfàʼ Nsi. A lo mbe ndù bo kuʼni mba bo ke ndiag à mbe njoṅ benntùn fa, bènte ntsin à ta ngùànesa mbaṅ Nsi. Bo ke ngù à ndùke? Moʼ tàʼ ṅuʼte manze tshob bʼa netshùàte njam matghamte kebwô. (2 Korintô 11:13-15) Tàʼ matghamte zʼa keʼ be tswitʼà nunenùn zʼa tum ntùm Nwaʼni Nsi là bʼa ze tatte. Manze ghamte tatte ke mfutʼà fe nkàb kebwô​—o num njen nke ntsiaṅ à fe nkàb mebwô. Kelà ndù a bʼa ju neloʼ mfù o yi. A kuʼni neloʼ ngùtni mayàm ntèl o yi.

Tatte tse ghaghamte tse kebwô num ntswite là, keʼ be fà tsiaṅte ntù Yaweh: Nsi nenùne. Ngelaṅ ze Yésu nàʼ mbe num tshàʼ là, tsemoʼ ghaghamte Nsi num manze kebwô lo ke ndiag nezwi i. Tshen ghaghamte là lo ke nkwate mbe, yub mat neghamte Nsi, nàʼ mbèn mbe ze mebwô. Bo lo tshob ndù : “Bag ghù tà yag à ndàʼ ntshùʼ Nsi.” Yésu lo bam bo ndùla ké? Nga! A lo tshob bo ndù: “Bin nà, bin fe à mbaṅ tà zin zʼa bʼa Diabolo là.” (Yohané 8:41, 44) Ntùm njù sènni, mbeʼyam benntùn num nke nkwate mbe bo ke nghamtʼà Nsi: là, nseʼ neloʼ njen yi kuaʼ nenùne, ndù bo ke mfàʼ à Satan boa ywètkebwô tse!​—1 Korintô 10:20.

 Tàʼ tù se ntù i bi là, ke njam à ntàm kebwô; matghamte ze kebwô, num mfà benntùn tse bo num mfàʼ à tshukebwô là. Ngùtni be yam ntùm njù mfe à tshukebwô tse benntùn num ngù là. Nekwate numebwô keʼ bèn nebe; ntshùate num ndùla, benntùn num nzwe zweʼ netèt bo bo, tsemoʼ nke njé tshô, tse ndùp nke mfétte tse nkeʼ nkeʼe ; neke nzwite benntùn boa neke ntshùb bènnzwi tùn kà nzi boa bo ghaʼ mbu. O ne màʼ miag nelôte, mbo nsi yen mbe : mbeʼyàm benntùn tse bo num mfàʼ tshen tshukebwô là, bʼa ghabétnjam tàʼ matghamte; là yub Matghamte keʼ be tènte yub ndù bo ke mfàʼ à ju zʼa be mebwô là. Bo keʼ kuʼni nebe shun Nsi, tà nkum ndàʼ num ngelaṅ ze bo nsi tsin neke mfàʼ tshukebwô là.​—Matio 7:17, 18.

Matghamte Kebwô num ntshwite benntùn neke nghamte netou. Nsi tshob mbʼa keʼ bwô neke ndeʼte tshu nekome. Yen nà bʼa nenùne. O kuʼni ne tsiaṅte num mèn zʼa faṅ o nsi, ke toʼ tshob sàm nu wù là, nèn nke ntshob yu nu à tàʼ foto o ké? O kuʼni neloʼ lèn yen mèn nà mba kuaʼ nshun o ze nenùn ké? Nga, o keʼ kuʼni. Yaweh kô ndù benntùn ke ntshob ze nu à kuaʼ ze tu wut, ke bʼa ne faṅ i nsi, nèn ntèt taʼ kam tù nekome, ke foto lo, tshu tsʼa keʼ ghù yôg là, nke ntshob bo.​—Netume 20:4, 5

Matghamte Kebwô num ntswite benntùn mbʼa be mebwô ne zwite tsemoʼ benntùn ngelaṅ ntsho. Yésu lo tshob mbe, shun Nsi bʼa ben tse bo ghù nkôni netèt bo bo là. Mèn keʼ be zwi benntùn tsʼa num nkô là. (Yohané 13:35) Bag à bin keʼ kuʼni nezwi mba tshùagkèt benntùn. Ngelaṅ ze ghakeban Yésu nàʼ nseʼ num neghom i là, a lo ke bam mbe ghaziʼte nu i zwe zweʼ boa bo num netshuʼ i.​—Matio 26:51, 52.

Matghamte Kebwô num ntswite benntùn mbe, benkebwô nsi yen ngeʼ kemi ntùm ndà mbwôge. Ndù Nwaʼni Nsi ke ntswitʼà mbe : “nukebwô ke ntènte mèn ntshag i à num manze vùkob.” (Roma 6:23) Yaweh bʼa Nsi zʼa num nkô benntùn nyiaṅtu là. Taʼ Nsi nkôni mbà yi là, kuʼni netshu ntù benntùn ntùm mbwôg matmat ké? Kuaʼ nenùn, yen nà bʼa tatte! Ndàʼ tàʼ matghamte ntshùʼ bèn zi be ntùm paradisiʼ, mbe matghamte ze Yaweh kô là. (Apokalipse 15:4) Njoṅ matghamte fa tse bo num ntswite benntùn tatte Satan nà, nsi mi mum yen ngelaṅ nà.