Ngankemban Nsi ze ndùb bʼa Satan, Diabolo. A bʼa tàʼ Angél, zʼa nàʼ nta tu mbwe Yaweh là. Satan tshwèt nkeʼ nzwe bo Nsi, mbèn nke ngùtni benntùn nyiaṅtu bo ntôtni mayàme. Satan num ntshùag neshu. A bʼa ngatatte mbèn mbe ngazwimèn.​—Yohané 8:44.

Tsemoʼ ywèt lo tam ndjam Satan, boa bo nke nta tu mbwe Nsi. Nwaʼni Nsi ke ntsiaṅ yub à ywètkebwô. Ndaṅndaṅ be mba Satan nà, tshen ywètkebwô là bʼa ghakeban benntùn nyiaṅtu. Bo num nkô negùtni benntùn. (Matio 9:32, 33; 12:22) Yaweh Nsi biagte Satan boa ywetkebwô tse fa bo ke nsi bèn be num nsitshàʼ matmat. Ngelaṅ neloʼ nke ngùtni benntùn yi, keʼ bèn nekeʼ bo yàme.​—Apokalipse 12:12.

A be zʼo kô nebe nshun Nsi là, mbʼa keʼ bwô neke mfàʼ ju zʼa num mbwô Satan nà. Satan boa ywètkebwô tse num mbàn Yaweh. Njoṅ yub fa bʼa ghakeban Nsi. A bwô ndù o nèn netèt bo, ntshoʼ yu mèn zʼo kô neke ngù mbʼa tsiaṅte num o là​—Satan ké ke Yaweh à? A be zʼo kô yôg matmat là, o loʼ neke ngù à ju ze Nsi kô là. Satan ghù lamte manze mayàm tse neloʼ nke ntatte benntùn yi. Mbeʼyàm benntùn num nfaṅ ndù à ke ntatte yube.​—Apokalipse 12:9.