Vùkob keʼ bʼa yôg. Vùkob ke mfutʼà neta miaglo. (Yohané 11:11-14) Feben keʼ kuʼni nejuʼ sàm ntshuʼte, ke neyen nze, ke netshob nu, ke nekwate nu lo. (Nzenu 9:5, 10) Matghamte kebwô num ntswite benntùn mbe feben num nèn ntùm ngô ba ywèle, nke ntswe boa mbwetà tshobe. Yen nà keʼ bʼa ju ze Nwaʼni Nsi num ntswite là.

Ben tse bo ya kwù là keʼ kuʼni neywimte be, ke neghù nukebwô be lo. Benntùn yàm num mfiagte tshunu, bo neke ngwat mbwe, ke neton ngab num tu ben tse bo ya kwù là lo: bo num mbe fàʼ ndùlala nke nkwate mbe nutse tshwèt mbwô feben nà tà.ʼ Là, Nsi keʼ kô ndù benntùn ke ngù ndùlala, nummbe, tatte Satan bèn nso men nkwate kebwô là tu bo. Neghù ndùlala, keʼ kuʼni neghù ndù mba kuaʼ feben tsiaṅte, nummbe bo keʼ bèn mbe ntùn. Bag à bin keʼ ghù neke mbwôg feben, ke bèn ngù mba neke ngamte yube. Bag à bin ghù neke ngamtʼà ndàʼ Nsi tùʼ i.​—Matio 4:10.

Feben nsi bèn ghù yôg. Yaweh Nsi bam feben num vù, ngù bo tswe ntùm paradisi num nsitshàʼa. Là, yen nà bʼa ju ze Nsi zi ghù à ndù manjam nà. (Yohané 5:28, 29; Mfàʼ ghantum 24:15) Nsi kuʼni nebam mèn zʼa nàʼ nja kwù là num vù, be ndaṅndaṅ mbʼa keʼ ta wù nebam tàʼ mèn num miaglo là.​—Marko 5:22, 23, 41, 42.

Netshob mbe mèn keʼ be kwù, bʼa tàʼ tatte ze Satan, ghabte njù là. Satan boa ywetkebwô tse num ntatte benntùn, bo nke mbam mbe ywèt feben keʼ be kwù, mbe bo bèn nkuʼni nekag mba ngokèt num be, mba neloʼ tsemoʼ ngùtni ntèt be yi. Satan num ntatte benntùn, moʼ ngelaṅ ntùm njem, ke ntùm yente lo. Yaweh num mbàn benntùn tse bo num nke nkagtùn, ndù boa feben ke ntshobte là.​—Nebwôgte 18:10-12.