Num ngelañ mbwe Benkristô, taʼ kum, “ghantum bo ghakwé mbwe” Yérusalém, naʼ nke mfaʼ mba tu ntseʼde là, neloʼ ba mfiʼ ndùb num bin ndà ntseʼde nkam wut fa. (Mfaʼ Ghantum 15:2) Ngelañ bo nke njéʼde num Ñwaʼni Nsi mbèn mfañ mbe ywèt Nsi tshagde yub là, bo nke ndoʼ mfiʼ à ntshu ntshùʼ. (Mfaʼ Ghantum 15:25) Bo tshwèt mbèn mbélʼà yen mfiʼ là sènni.

Nsi tshwèt ndoʼ i mfaʼ ze nekô yi. Nkam wut bo be mfaʼ Tu Ntseʼde là num mfà nkuʼni ndùb Ntshob Nsi mbèn ngù zenu num mat neloʼ ntshagde tshu yi kʼa be tse ywèle, ke tse mbab wut lo. Bo num nkùmde njoñ ngabnjù fa nekwade nu mfà num ntswe mebwô fètfèt ntùm njù sagkuà. Ndañndañ mba ngelañ mbwe Benkristô là, bo num ntshùade njam ba ñwaʼni, ba ntshaʼfaʼ boa tsemoʼ manze, mfà ntag a tum ntùm Ñwaʼni Nsi là. Yennà ghù ntamde ntùm nkwade mba ntùm faʼ be netèt ghafaʼ Nsi. (Mfaʼ Ghantum 16:4, 5) Tu Ntseʼde be ndôde mba bo nab jujù ywèt là, nso kù num faʼ nesoñ nkùn mebwô, mbèn nke nte lag num mat neloʼ ntshoʼ ghatshagde yi.

A num mfañ ywèt Nsi tshagdʼé. Tu Ntseʼde num nkañ wul i ndôde Tshùayaʼ Tshùaben Yaweh Nsi, bo Yésu a be tu ze ndùb ndà ntseʼde là, num netshagdʼé. (1 Korintô 11:3; Efésô 5:23) Bo keʼ be lôde wut tshob mba ghatô ghafaʼ Nsi là. Boa tsemoʼ nkam wut fa be “ntam njam mén njùmbwe [Yésu] mba yà lo dùʼ zʼa nèn nà.” (Apokalipse 14:4) Tu Ntseʼde be nyàmde ben neshu num ndeʼde be num ngù num tu yub là.

• Tu ntseʼde naʼ bʼa we ngelañ mbwe Benkristô à?

• Tu Ntseʼde sènni nke ndiag mbe Nsi tshagdʼé à ndùke?