Nsi kô mbe be tswe fide ngù tsiañde matmat num nsitshaʼ zʼa be Paradis là!

Be o tshàm, ntshob mbe, yen ju là nsi seʼ à ndùke? Ñwaʼni Nsi tshwèt ntshob mbe Nufen Nsi kuʼni neghù yen ju là be, ze nekô Nsi bʼa mbe benntùn ziʼde nu mfà num ze Nufen bo ju zʼa tshwèt ndiag neghù ben nà.​—Yobkwi 37:11, 29; Esaya 9:7.

Nsi kô be jù bin.

Mba taʼ mbwô tà num nkô ju mebwô num bon tse là, Tà ben mve tù tshwèt nkô bag bin juʼ mebwô matmat. (Esaya 48:17, 18) A tshob ndù: “Là mèn zʼa num ngù ze nekô Nsi là ghô yoñ ntshùʼ.”​—1 Yohané 2:17.

Nsi kô be zin num tse manze.

Ñwaʼni Nsi tshob mbe Ngabom ben tshwèt nkô “nelaʼde ben tse manze” ndù “be nke nzin num tse ntshagnze.” (Esaya 2:2, 3) A tseʼde benntùn ndù bo “nke ngamde lén se” mbèn ngù bo lèn ze nekô num njoñ nsitshàʼ fa.​—Mfaʼ Ghantum 15:14.

Nsi kô be tamde num neghamdʼé.

Ghamde nelàn Yaweh Nsi keʼ be fagde benntùn, a num ntamde yub à ntùm nkôni nenùne. (Yohané 13:35) A we bèn nke ntswide bandum mba bènnzwi neghamde Nsi ntùm netamde sènni à? Bag tshwèt ntsiañ zin nefon mbùnde mi ntùm yen kam buʼ ñwaʼni li.