AGOSTO 15, 2019
POLAND
Warsaw, Poland—2019 Ang Gugma Dili Molubad! Internasyonal nga Kombensiyon
Petsa: Agosto 9-11, 2019
Lokasyon: Municipal Stadium sa Legia Warsaw ug Torwar Hall, Warsaw, Poland
Pinulongan sa Programa: English, Polish
Kinatas-ang Attendance: 32,069
Nabawtismohan: 190
Mga Delegado Gikan sa Ubang Nasod: 6,892
Imbitado nga Sangang Buhatan: Central Europe, Chile, Ecuador, Finland, France, Georgia, Hungary, Japan, Korea, Moldova, Romania, Ukraine, United States
Lokal nga Eksperyensiya: Si Mr. Kamil Kaźmierkiewicz, general manager sa Four Points sa Sheraton Warsaw Mokotów (usa sa mga hotel nga gisak-an sa mga delegado), misulat: “Wala gyod mi malisdi sa pagtrabaho uban ninyo. Unta naa pa miy mga bisita nga parehas ninyo ka buotan ug ka positibo. Nakita gyod nako ang inyong gugma sa usag usa ug panaghiusa. . . . Bilib kaayo ko sa maayo kaayong pagkaorganisar niini nga okasyon.”
Si Mr. Kamil Lubański, tag-iya sa KL Team, kompaniya nga gikontrata sa pagtaganag bus transportation, miingon sab: “Sa sugod pa lang, nakita nako nga maayo kaayong ikauban sa trabaho ang mga Saksi ni Jehova. Organisado kaayo sila ug propesyonal. Maayo kaayo ang ilang pagplano ug pag-organisar niining dako kaayong okasyon. Ang among kompaniya daghan pod ug dagkong kliyente, apil ang gobyerno, ug nag-organisar pod mig mga okasyon sa ubang nasod sa Europe. Pero, talagsaon kaayo nga makakitag kliyente nga andam ug organisado kaayo sama ninyo. Ang among mga drayber ug ubang trabahante walay laing ikasulti sa mga Saksi ni Jehova kondili pulos maayong mga butang lang. Unta makatrabaho mo namo pag-usab.”
Mga delegado mainitong gi-welcome sa airport
Mga delegado nanglakaw pasulod sa venue sa Biyernes sa buntag
Aerial view sa Municipal Stadium sa Legia Warsaw, usa sa mga venue sa kombensiyon
Si Brader Gerrit Lösch, membro sa Nagamandong Lawas, naghatag sa kataposang pakigpulong sa Biyernes
Tulo sa 190 nga gibawtismohan sa Sabado
Mga igsoon nga naminaw pag-ayo sa programa sa kombensiyon
Mga delegado nga nagsul-ob sa ilang tradisyonal nga mga sinina nagpa-picture sa gawas sa stadium
Mga special full-time servant nanganta sa paniklop nga awit sa Dominggo duyog sa mga nanambong
Grupo sa mga kabataan nga nanganta para sa mga delegado sa evening gathering
Mga igsoon nanayaw ug tradisyonal nga Polish dance sa evening gathering
Basin Ganahan Pod Ka
BAHIN KANAMO
Tambong sa 2024 nga Kombensiyon—“Ipahayag ang Maayong Balita!”
Malipay mi sa pag-imbitar nimo nga motambong sa tulo ka adlaw nga kombensiyon sa mga Saksi ni Jehova niining tuiga.
