AUSTRALIA: “Ang mga pasyenteng Saksi ni Jehova—nga dili magpaabonog dugo tungod sa ilang relihiyon—mas daling maulian kay sa ubang pasyente,” report sa The Sydney Morning Herald, gula sa Oktubre 2, 2012.

Gikutlo sa maong report ang gisulti sa clinical professor nga si James Isbister sa Sydney Medical School, University of Sydney. “Matod ni Propesor Isbister, mas maampingon ang mga doktor kon mga Saksi ni Jehova ang pasyente aron wala kaayoy dugo nga mawala. Tungod niini, mas dakog purohan nga daling maulian ang pasyente ug dili magdugay sa ospital kon itandi sa mga pasyenteng nagpaabonog dugo dihang gioperahan.”

Dili lang si Doktor Isbister ang may susamang opinyon. Maylabot sa mga pasyenteng Saksi nga gioperahan sa kasingkasing, ang Archives of Internal Medicine, Agosto 13-27, 2012, nag-ingon: “Ang mga Saksi mas diyutayg komplikasyon ug daling maulian kon itandi sa mga pasyenteng nagpaabonog dugo.”