Unang Cronicas 16:1-43
16 Busa ilang gisulod ang Kaban sa matuod nga Diyos sa tolda nga gipatindog ni David alang niini;+ unya nagtanyag silag mga halad nga sinunog ug mga halad sa panag-ambit sa atubangan sa matuod nga Diyos.+
2 Pagkahuman ug tanyag ni David sa mga halad nga sinunog+ ug sa mga halad sa panag-ambit,+ iyang gipanalanginan ang katawhan pinaagi sa ngalan ni Jehova.
3 Unya nag-apod-apod siyag usa ka lingin nga tinapay, usa ka tinapay nga datiles, ug usa ka tinapay nga pasas ngadto sa tanang Israelinhon, sa matag lalaki ug babaye.
4 Dayon iyang gitudlo ang ubang Levihanon sa pag-alagad atubangan sa Kaban ni Jehova,+ sa pagpasidungog,* sa pagpasalamat, ug sa pagdayeg kang Jehova nga Diyos sa Israel.
5 Si Asap+ ang pangulo, ug ikaduha kaniya si Zacarias; ug si Jeiel, Semiramot, Jehiel, Matitias, Eliab, Benaias, Obed-edom, ug Jeiel+ nagtugtog ug dekuwerdas nga mga instrumento ug mga alpa;+ ug si Asap nagtugtog ug mga simbal,+
6 ug si Benaias ug Jahaziel nga mga saserdote kanunayng naghuyop ug mga trompeta atubangan sa kaban sa pakigsaad sa matuod nga Diyos.
7 Niadtong adlawa si David mitampo sa unang higayon ug usa ka awit sa pagpasalamat kang Jehova pinaagi ni Asap+ ug sa iyang mga igsoon:
8 “Pagpasalamat mo kang Jehova,+ sangpita ang iyang ngalan,Ipahibalo sa mga katawhan ang iyang mga buhat!+
9 Pag-awit mo kaniya, pag-awit ug mga pagdayeg kaniya,*+Pamalandonga* ang tanan niyang katingalahang buhat.+
10 Ipasigarbo ang iyang balaang ngalan.+
Magsadya unta ang kasingkasing niadtong mga nagapangita kang Jehova.+
11 Pangitaa si Jehova+ ug ang iyang kusog.
Pangitaa ang iyang nawong* sa kanunay.+
12 Hinumdomi ang katingalahang mga buhat nga iyang gihimo,+Ang iyang mga milagro ug ang mga hukom nga iyang gipakanaog,
13 Kamong mga kaliwat* ni Israel nga iyang alagad,+Kamong mga anak ni Jacob, nga iyang mga pinili.+
14 Siya si Jehova nga atong Diyos.+
Ang iyang mga hukom makita diha sa tibuok yuta.+
15 Hinumdomi ang iyang pakigsaad hangtod sa hangtod,Ang saad nga iyang gihimo,* hangtod sa usa ka libo ka kaliwatan,+
16 Ang pakigsaad nga iyang gihimo uban kang Abraham,+Ug ang iyang gipanumpa kang Isaac,+
17 Nga iyang gilig-on ingong usa ka mando alang kang Jacob+Ug ingong usa ka pakigsaad alang sa Israel hangtod sa panahong walay tino,
18 Nga nag-ingon, ‘Akong ihatag kanimo ang yuta sa Canaan+Ingong panulondon nga gigahin alang kaninyo.’+
19 Kadto maoy samtang kamo diyutay pa,Oo, diyutay kaayo, ug kamo mga langyaw pa sa yuta.+
20 Sila nagbalhinbalhin gikan sa usa ka nasod ngadto sa laing nasod,Gikan sa usa ka gingharian ngadto sa laing katawhan.+
21 Wala niya tugoti si bisan kinsa sa pagdaogdaog kanila,+Apan tungod kanila iyang gibadlong ang mga hari,+
22 Nga nag-ingon, ‘Ayaw ninyog hilabti ang akong mga dinihogan,*Ug ayaw buhatig daotan ang akong mga propeta.’*+
23 Pag-awit kang Jehova, kamong tanan sa yuta!
Isibya sa matag adlaw ang iyang pagluwas!+
24 Ipahayag sa kanasoran ang iyang himaya,Sa tanang katawhan ang iyang katingalahang mga buhat.
25 Kay si Jehova gamhanan ug labing takos sa pagdayeg,
Siya takos nga kahadlokan kay sa tanang ubang diyos.+
26 Ang tanang diyos sa mga katawhan maoy mga diyos nga walay pulos,+Apan si Jehova mao ang nagbuhat sa kalangitan.+
27 Sa iyang presensiya anaa ang himaya* ug kahalangdon;+Ang kusog ug kalipay anaa sa iyang puloy-anan.+
28 Pasidunggi si Jehova, kamong mga banay sa mga katawhan,Pasidunggi si Jehova tungod sa iyang himaya ug kusog.+
29 Ihatag kang Jehova ang himaya nga angay sa iyang ngalan;+Pagdalag gasa ug duol kaniya.+
Yukbo kang* Jehova nga sul-ob ang inyong balaang besti.*+
30 Pangurog kamo sa iyang atubangan, kamong tanan sa yuta!
Ang yuta* lig-ong natukod; dili gayod kini matarog.*+
31 Magsadya ang kalangitan, ug maglipay ang yuta;+Ipahayag kini taliwala sa kanasoran: ‘Si Jehova nahimong Hari!’+
32 Maghugyaw ang dagat ug ang tanang anaa niana;Magsadya ang kapatagan ug ang tanang anaa niana.
33 Sa samang higayon magsinggit sa kalipay ang mga kahoy sa lasang sa atubangan ni Jehova,Kay siya moabot* aron hukman ang yuta.
34 Magpasalamat kamo kang Jehova, kay siya maayo;+Ang iyang maunongong gugma molungtad hangtod sa hangtod.+
35 Ug pag-ingon, ‘Luwasa kami, Oh Diyos sa among kaluwasan,+Tigoma kami ug luwasa kami gikan sa mga nasod,Aron kami magpasalamat sa imong balaang ngalan+Ug maghugyaw sa pagdayeg kanimo.+
36 Madayeg unta si Jehova, ang Diyos sa Israel,Hangtod sa hangtod.’”
Ug ang tibuok katawhan miingon, “Amen!”* ug ilang gidayeg si Jehova.
37 Unya gibilin ni David si Asap+ ug ang iyang mga igsoon atubangan sa kaban sa pakigsaad ni Jehova aron padayong mag-alagad atubangan sa Kaban,+ sumala sa adlaw-adlawng rutina.+
38 Si Obed-edom ug ang 68 niya ka igsoon, ug si Obed-edom nga anak ni Jedutun, ug si Hosa maoy mga magbalantay sa ganghaan;
39 ug si Zadok+ nga saserdote ug ang iyang mga isigkasaserdote didto sa atubangan sa tabernakulo ni Jehova sa taas nga dapit sa Gabaon+
40 aron sa paghalad kanunay ug mga halad nga sinunog kang Jehova diha sa halaran sa halad nga sinunog, buntag ug gabii, ug sa pagbuhat sa tanang nasulat sa Balaod ni Jehova nga iyang gisugo sa Israel.+
41 Kauban nila si Heman ug Jedutun+ ug ang uban pang mga lalaki nga gipili sa pagpasalamat kang Jehova,+ kay “ang iyang maunongong gugma molungtad hangtod sa hangtod”;+
42 ug kauban nila si Heman+ ug Jedutun sa pagpatingog sa mga trompeta, simbal, ug sa mga instrumento nga gigamit sa pagdayeg* sa matuod nga Diyos; ug ang mga anak nga lalaki ni Jedutun+ diha sa ganghaan.
43 Unya ang tibuok katawhan mipauli sa ilang mga balay, ug si David mipauli sa pagpanalangin sa iyang kaugalingong panimalay.
Mga Footnote
^ Literal, “sa paghinumdom.”
^ O “pag-awit kaniya nga dinuyogag musika.”
^ O posible, “Isulti.”
^ O “presensiya; pag-uyon.”
^ Literal, “binhi.”
^ Literal, “Ang pulong nga iyang gimando.”
^ O “manalagna.”
^ O “dignidad.”
^ O posible, “tungod sa kahalangdon sa iyang pagkabalaan.”
^ O “Simbaha si.”
^ O “mabungahong yuta.”
^ O “matay-og.”
^ O “miabot na.”
^ O “Matuman kana!”
^ O “mga instrumento sa mga awit.”
