Isaias 32:1-20
32 Tan-awa! Usa ka hari+ ang magmando alang sa pagkamatarong,+Ug ang mga prinsipe magmando alang sa hustisya.
2 Ug ang matag usa mahisamag tagoanan* gikan sa hangin,Usa ka salipdanan* gikan sa bagyo,Mahisamag mga sapa diha sa yuta nga walay tubig,+Mahisamag landong sa dako kaayong bato diha sa umaw nga yuta.
3 Unya ang mga mata niadtong mga makakita dili na piyongon,Ug ang mga dalunggan niadtong mga makadungog mamati.
4 Ang kasingkasing niadtong mga madalidalion mamalandong sa kahibalo,Ug ang nganga nga dila makasulti nag maayo ug tin-aw.+
5 Ang walay salabotan dili na tawgong mahinatagon,Ug ang tawong walay prinsipyo dili tawgong halangdon;
6 Kay ang walay salabotan mosultig walay pulos,Ug ang iyang kasingkasing magplanog makadaot nga mga butang,+Aron magdasig ug apostasya* ug mosultig batok kang Jehova,Aron hikawan ug pagkaon ang gigutomUg hikawan ug mainom ang giuhaw.
7 Ang mga paagi sa tawong walay prinsipyo daotan;+Siya magpasiugda ug makauulaw nga paggawiAron daoton ang mga sinakit pinaagig kabakakan,+Bisan pag ang kabos nagsulti kon unsay husto.
8 Apan ang mahinatagon dunay maayong intensiyon,Ug siya magpadayon sa iyang pagkamahinatagon.*
9 “Kamong mga babaye nga kompiyansa kaayo, tindog ug pamati sa akong tingog!
Kamong mga anak nga babaye nga walay pagpakabana,+ paminaw sa akong isulti!
10 Kapin na lag usa ka tuig, kamong mga walay pagpakabana matarantar,Kay wala gihapon moy matigom nga bunga bisag matapos na ang tingpamupo ug ubas.+
11 Pangurog mo, kamong mga babaye nga kompiyansa kaayo!
Katarantar mo, kamong mga walay pagpakabana!
Huboa ang inyong mga besti,Ug pagsul-ob mog sakong panapton.+
12 Pukpoka ang inyong dughan sa pagminatayTungod sa nahitabo sa mabungahong mga uma ug ubasan.
13 Kay ang yuta sa akong katawhan napunog sampinit ug tunokong tanom;Tabonan niini ang tanang balay sa pagsadya,Oo, ang siyudad sa paghugyaw.+
14 Kay ang lig-ong torre gitalikdan;Ang banha nga siyudad nahimong biniyaan.+
Ang Opel+ ug ang bantayanang torre nahimong umaw,Nahimong kalipay sa ihalas nga mga asno,Nahimong sibsibanan sa mga panon sa kahayopan,+
15 Hangtod nga ibubo ang espiritu nganhi kanato gikan sa itaas,+Ug ang kamingawan mahimong prutasan,Ug ang prutasan isipong usa ka lasang.+
16 Unya ang hustisya mopuyo sa kamingawan,Ug ang pagkamatarong mopuyo sa prutasan.+
17 Ang resulta sa matuod nga pagkamatarong maoy pakigdait,+Ug ang bunga sa matuod nga pagkamatarong maoy dumalayong kalinaw ug kasegurohan.+
18 Ang akong katawhan magpuyo sa malinawong puloy-anan,Sa luwas nga mga puy-anan ug sa malinawon nga mga pahulayanan.+
19 Apan ang ulan nga yelo maghapay sa lasang,Ug ang siyudad bug-os nga patagon.
20 Malipayon kamong nagpugas ug binhi sa daplin sa tanang katubigan,Kinsa nagtugot nga buhian ang* torong baka ug asno.”+
Mga Footnote
^ O “silonganan.”
^ O “dangpanan.”
^ O “mogawi nga walay pagtahod.”
^ O “matarong nga mga buhat.”
^ O “nagpalakaw sa.”
