Job 29:1-25
29 Si Job mipadayon sa iyang pagpamulong:*
2 “Kon mabalik pa lang unta ang mga bulan nga nanglabay,Ang mga adlaw dihang ginabantayan pa ko sa Diyos,
3 Dihang iyang gipadan-ag ang iyang lampara diha sa akong ulo,Dihang akong gilatas ang kangitngit pinaagi sa iyang kahayag,+
4 Dihang* ako baskog pa,Dihang ang Diyos suod pa nako nga higala ug anaa pa siya sa akong tolda,+
5 Dihang ang Labing Gamhanan kauban pa nako,Dihang ang akong mga anak* anaa pa sa akong palibot,
6 Dihang ang akong mga agianan nalukop pa ug mantekilya,Ug ang mga bato nagpaagay pa ug abundang lana alang kanako.+
7 Dihang mag-adtoan pa ko sa ganghaan sa siyudad+Ug maglingkoran pa ko sa akong lingkoranan sa plasa,+
8 Ang mga batan-on makakita kanako ug magpadaplin,*Ug bisan ang mga tigulang manindog ug magpabiling nagbarog.+
9 Ang mga prinsipe dili motingog;Sampongan nila sa ilang kamot ang ilang baba.
10 Ang tingog sa mga prominente dili madungog;Ang ilang dila mitapot sa ilang alingagngag.
11 Bisan kinsa nga makadungog bahin kanako modayeg kanako,Ug kadtong makakita kanako magpamatuod bahin kanako.
12 Kay akong luwason ang mga kabos nga nangayog tabang,+Lakip ang bata nga wala nay amahan ug si bisan kinsa nga walay magtatabang.+
13 Ang usa nga hapit nang mahanaw magdayeg kanako,+Ug akong gilipay ang kasingkasing sa babayeng balo.+
14 Akong gisul-ob ang pagkamatarong nga samag besti;Ang akong hustisya maoy samag taas nga besti* ug turban.
15 Ako nahimong mga mata alang sa butaUg mga tiil alang sa bakol.
16 Ako nahimong amahan sa mga kabos;+Akong imbestigahan ang kaso sa mga estranyo.+
17 Akong buakon ang apapangig sa mamumuhat ug daotan+Ug labnoton ang tinukob gikan sa iyang mga ngipon.
18 Kaniadto moingon ko, ‘Mamatay ko sa kaugalingon nakong pinuy-anan,*+Ug ang akong mga adlaw sama unya ka daghan sa balas.
19 Ang akong mga gamot mokuyanap paingon sa katubigan,Ug ang yamog magpabilin sa akong mga sanga sa tibuok gabii.
20 Ang akong himaya kanunayng bag-o,Ug ang busogan nga ania sa akong kamot nagsigeg pamana.’
21 Ang mga tawo naghinamhinam sa pagpaminaw,Hilom silang nagpaabot sa akong tambag.+
22 Pagkahuman nakog sulti, wala na silay ikadugang;Ang akong mga pulong motuhop* sa ilang mga dalunggan.
23 Sila nagpaabot kanako sama sa pagpaabot ug ulan;Gibuka nila pag-ayo ang ilang baba nga daw nagpaabot sa ulan sa tingpamulak.+
24 Dihang ako mopahiyom kanila, daw dili sila makatuo;Ang kahayag sa akong nawong makahatag kanilag pasalig.*
25 Ako naghatag kanilag giya ingong ilang pangulo,Ug ako samag usa ka hari taliwala sa kasundalohan niini,+Sama sa usa nga nagahupay sa mga nagbangotan.+
Mga Footnote
^ Literal, “panultihon.”
^ Literal, “Sa mga adlaw nga.”
^ O “tig-alagad.”
^ Literal, “manago.”
^ O “besti nga walay bukton.”
^ Literal, “sa akong salag.”
^ Literal, “motulo.”
^ O posible, “Wala nila paduloma ang kahayag sa akong nawong.”
