Salmo 60:1-12
Ngadto sa direktor; sa tono sa “Ang Lirio sa Pahinumdom.” Miktam.* Salmo ni David. Alang sa pagtudlo. Dihang siya nakig-away sa Aram-naharaim ug sa Aram-Zoba, ug si Joab mibalik ug nagpukan sa 12,000 ka Edomhanon sa Walog sa Asin.+
60 Oh Diyos, gisalikway mi nimo; gibungkag nimo ang among mga depensa.+
Nasuko ka kanamo; apan karon dawata mi pag-usab!
2 Giuyog nimo ang yuta; gipikas nimo kini.
Ayoha ang mga gawang niini, kay kini hapit nang malumpag.
3 Gipahinabo nimo nga mag-antos sa kalisdanan ang imong katawhan.
Gipainom mi nimo ug bino nga tungod niana kami nagsusapinday.+
4 Hatagig* timailhan kadtong nangahadlok kanimoAron sila mokalagiw ug dili maigo sa pana. (Selah)
5 Aron maluwas ang imong mga hinigugma,Luwasa mi pinaagi sa imong tuong kamot ug tubaga mi.+
6 Ang Diyos nagsulti sumala sa iyang pagkabalaan:*
“Magsadya ko, ihatag nako ang Sekem ingong panulondon,+Ug sukdon nako ang Walog* sa Sucot.+
7 Akoa ang Gilead, ingon man ang Manases,+Ug ang Epraim mao ang helmet* sa akong ulo;Ang Juda mao ang sungkod sa akong komandante.+
8 Ang Moab mao ang akong hugasanan.+
Ilabay nako ang akong sandalyas sa Edom.+
Mosinggit ko sa kadaogan didto sa Filistia.”+
9 Kinsay modala kanako ngadto sa gilikosan* nga siyudad?
Kinsay motultol kanako hangtod sa Edom?+
10 Dili ba ikaw, Oh Diyos, kinsa nagsalikway kanamo,Ang among Diyos, nga wala na mouban sa among kasundalohan?+
11 Tabangi mi sa among kasakitan,Kay ang kaluwasan pinaagi sa mga tawo walay kapuslanan.+
12 Pinaagi sa Diyos makabaton mi ug gahom,+Ug iyang yatakyatakan ang among mga kaaway.+
Mga Footnote
^ O posible, “Gihatagan nimog.”
^ O posible, “diha sa iyang balaang dapit.”
^ O “Ubos nga Patag.”
^ Literal, “kuta.”
^ O posible, “pinarilan.”
