Importante ka kang Jehova. (Isa 43:4) Gikabig ka niya aron mahimong iyang alagad ug mahimong bahin sa iyang organisasyon. Tungod sa imong dedikasyon ug bawtismo, ikaw iya na ni Jehova. Atimanon ka niya ingong iyang espesyal nga katigayonan, bisan sa mga kalisdanan. Pakitaan ka niyag maunongong gugma pinaagi sa iyang organisasyon.—Sal 25:10.

Mas maapresyar nato ang maunongong gugma ni Jehova kon atong balikan ang gihimo sa iyang organisasyon panahon sa mga kalamidad.

TAN-AWA ANG VIDEO NGA 2019 REPORT SA KOMITE SA MGA KOORDINETOR, DAYON TUBAGA ANG MOSUNOD NGA MGA PANGUTANA:

• Unsay gihimo sa Komite sa mga Koordinetor aron maandam ang mga sangang buhatan kon dunay kalamidad?

• Giunsa sa organisasyon ni Jehova pagtaganag instruksiyon ug hinabang sa Indonesia ug Nigeria?

• Unsay imong naapresyar sa gihimo sa organisasyon bahin sa COVID-19 nga pandemic?