Gusto ni Jehova nga mag-alagad ta niya tungod kay gihigugma nato siya. (Mat 22:37, 38) Kon ang atong mga Bible study dunay gugma sa Diyos, makahimo silag gikinahanglang mga kausaban ug makalahutay sa mga pagsulay. (1Ju 5:3) Ang ilang gugma sa Diyos maoy magpalihok nila nga magpabawtismo.

Tabangi ang imong mga study nga makita nga gihigugma sila sa Diyos. Puwede nimo silang pangutan-on: “Unsay gitudlo niini bahin kang Jehova?” o “Sa unsang paagi gipakita niini nga gihigugma ka sa Diyos?” Tabangi sila nga makita kon giunsa sila pagtabang ni Jehova. (2Cr 16:9) Paghisgot ug mga pananglitan kon giunsa pagtubag ni Jehova ang imong espesipikong mga pag-ampo, ug dasiga sila sa pagmatikod kon giunsa pagtubag ni Jehova ang ilang mga pag-ampo. Malipay gyod ta dihang bation sa atong mga Bible study nga gihigugma sila ni Jehova ug dihang ipakita nila ang ilang gugma kaniya.

TAN-AWA ANG VIDEO NGA TABANGI ANG IMONG BIBLE STUDY SA PAG-UGMAD UG SUOD NGA RELASYON KANG JEHOVA, DAYON TUBAGA ANG MOSUNOD NGA MGA PANGUTANA:

• Unsang problema ang giatubang ni Jade?

• Giunsa pagtabang ni Neeta si Jade?

• Unsay gihimo ni Jade aron malamposong maatubang ang problema?