Si Jehova ang magpahinabo nga ang binhi sa kamatuoran mogamot ug motubo sa kasingkasing sa usa ka tawo. (1Co 3:6-9) Busa, aron molampos sa ministeryo, angay tang mosalig kang Jehova nga tabangan ta niya ug ang atong mga Bible study.

Hangyoa si Jehova nga tabangan ang imong Bible study nga makalahutay sa mga pagsulay. (Flp 1:9, 10) Magmaespesipiko. Pag-ampo alang sa balaang espiritu nga giyahan ang imong hunahuna ug mga himoon. (Luc 11:13) Tudloi ang imong mga study kon unsaon pag-ampo, ug awhaga sila sa paghimo niana. Iampo ang imong mga Bible study ug pag-ampo sab uban nila, nga litokon ang ilang ngalan.

TAN-AWA ANG VIDEO NGA BATIA ANG KALIPAY SA PAGHIMOG TINUN-AN—DAWATA ANG TABANG NI JEHOVA—PAG-AMPO, UG TUBAGA ANG MOSUNOD NGA MGA PANGUTANA:

• Unsang hagit ang naatubang ni Neeta sa iyang pag-Bible study kang Jade?

• Sa unsang paagi ang 1 Corinto 3:6 nakatabang kang Neeta?

• Sa unsang paagi nasulbad ang hagit nga naatubang ni Neeta?