Sa Nobyembre, maghimo tag linaing paningkamot sa pagpaambit sa maayong balita nga duol na ang mas maayong kalibotan. (Sal 37:10, 11; Pin 21:3-5) I-adjust ang imong eskedyul aron bug-os kang makapakigbahin niini nga kampanya. Kon mag-oksilyare payunir ka nianang bulana, makapili ka sa pagkab-ot ug 30 o 50 ka oras.

Pag-andam ug teksto bahin sa bag-ong kalibotan ug ipaambit kini sa mas daghang tawo. Dihang magpili kag teksto, hunahunaa kon unsay makapainteres sa mga tawo sa inyong teritoryo. Kon dunay magpakitag interes sa unang pakig-estorya, hatagi siyag kopya sa publikong edisyon sa Bantayanang Torre Num. 2 2021. Unya, duawa dayon siya pag-usab ug paningkamoti nga makasugod ug pagtuon sa Bibliya gamit ang brosyur nga Mabuhi Ka Hangtod sa Hangtod! Makapalipay gyod ang bug-os nga pagpaambit sa “maayong balita bahin sa mas maayong butang”!—Isa 52:7.

TAN-AWA ANG VIDEO SA ORIHINAL NGA KANTA NGA SA BAG-ONG KALIBOTAN, DAYON TUBAGA ANG MOSUNOD NGA MGA PANGUTANA:

• Unsang nindot nga paglaom ang giimadyin sa batang babaye?

• Unsay imong gikahinaman sa bag-ong kalibotan?

• Sa unsang paagi ang pagpamalandong sa imong paglaom makatabang nimo aron bug-os kang makapakigbahin sa kampanya sa Nobyembre?—Luc 6:45