Awit 62

Bulahan, ang Maluluy-on!

(Mateo 5:7)

1. Bulahan ang maluluy-on!

Sa Diyos tahom nga tan-awon.

Maaghop ilang saysayan

Nga sa Diyos sila kaluy-an.

Sa Kalbaryo ang atong Diyos

Nagtagana sa pagtubos.

Maaghop iyang kaluy-an,

Kay kita may kaluyahan.

2. Bulahan ang maluluy-on!

Sa Diyos sila malinawon.

Kay sa kaluoy natubos

Sa halad lukat ni Jesus.

Kaluoy ilang idalit,

Nagsangyaw sa tanang dapit,

Katawhan lipayon nila,

Kay Gingharian nia na.

3. Maluluy-on, maisogon,

Sa paghukom sa Diyos lig-on

Kaluoy maangkon nila,

Sanglit maluluy-on sila.

Nan, magmaluluy-on kita,

Magpadayag ning hiyasa,

Nga sa tanan nga higayon

Ang atong Diyos maoy sundon.

(PANAPOS)

Bulahan ang maluluy-on!

Sa Diyos tahom nga tan-awon.