Ang gihubad nga Gregong pulong (staʹdi·on) nagtumong sa sukod sa gitas-on o sa gisangkaron sa usa ka butang nga katumbas sa 185 m (625 Romanhong p; 606.75 Ingles nga p) o ¹⁄8 sa Romanhong milya. (Ang Romanhong milya maoy katumbas sa 1,479.5 m; 4,854 p.) (Pin 14:20; 21:16) Kini mao ang gibanabanang gitas-on sa Attic ug sa Romanhong estadyum. Lahi kini sa modernong estadio nga 201 m (660 p). Sa 1 Corinto 9:24 ang terminong staʹdi·on (estadyum) gihubad nga “lumba,” sanglit ang gitas-on sa Gregong lumbaanan maoy usa ka estadyum. Apan, ang estadyum nga lumbaanan sa Olimpiada sa aktuwal maoy 192 m (630 p).