[Usa ka Lusong].

Lagmit nga usa ka seksiyon sa Jerusalem duol sa Ganghaan sa Isda ug sa ikaduhang seksiyon sa siyudad. Sa panahon sa katalagman sa Juda, ang mga molupyo sa Maktes gitagnang motiyabaw, sanglit ang mga kalihokan sa patigayon didto mohunong.​—Sof 1:​1, 2, 10, 11.

Ang Hebreohanong pulong nga makh·teshʹ nagtumong sa ‘usa ka lusong’ (Pr 27:22) o sa ‘usa ka pormag-lusong nga lungag’ (Huk 15:19), ug busa, ang pipila ka hubad naggamit sa “Lusong” inay sa “Maktes” ingong ngalan sa dapit. (AT, JB, RS) Gipunting sa Targum nga ang Maktes mao ang Walog sa Kidron, ang lawom nga lugot ubay sa sidlakang paril sa Jerusalem. Apan kini nga walog dili kasikbit sa “Ganghaan sa Isda” ug sa “ikaduhang seksiyon sa siyudad” nga nahimutang duol sa kasadpan. Tungod niini gituohan sa kadaghanan nga ang Maktes nagtumong sa usa ka bahin sa Sentral (Tyropoeon) nga Walog, tingali ang ibabawng bahin niini.