BAHIN 1
Paglalang Ngadto sa Lunop
Giunsa pagtungha sa adlaw, bulan ug mga bituon, maingon man sa daghang butang sa yuta? Ang Bibliya mohatag sa matuod nga tubag. Gilalang sila sa Diyos. Busa ang atong basahon mosugod sa mga estorya sa Bibliya bahin sa paglalang.
Unang gihimo sa Diyos ang mga manulunda. Sila maoy espirituhanong mga persona nga maorag sama sa iyang kaugalingon. Apan ang yuta gilalang alang sa katawhan nga sama kanato. Busa ang Diyos mibuhat sa lalaki ug babaye ginganlan Adan ug Eva, ug nagpahaluna kanila sa usa ka matahom tanaman. Apan sila misupak sa Diyos.
Sukad sa panahon ni Adan hangtod sa Lunop maoy 1,656 ka tuig. Sulod ning panahona, nagpuyo ang daghan daotang persona. Sa langit didto si Satanas ug ang iyang daotang mga manulunda. Dinhi sa yuta diha si Cain ug daghan pang daotang mga tawo. Apan may maayong mga tawo usab
NIINI NGA SEKSIYON
ESTORYA 1
Ang Diyos Mihimo sa mga Butang
Ang estorya sa Genesis bahin sa paglalang sayon sabton ug makalingaw
ESTORYA 2
Usa ka Matahom nga Tanaman
Sumala sa Genesis, gihimo sa Diyos ang tanaman sa Eden nga espesyal nga lugar. Gusto sa Diyos nga ang tibuok yuta mapareho nianang nindot nga tanaman.
ESTORYA 3
Ang Unang Lalaki ug Babaye
Gilalang sa Diyos si Adan ug Eva ug gipapuyo sila sa tanaman sa Eden. Sila ang unang magtiayon.
ESTORYA 4
Kon Nganong Nawad-an Sila sa Ilang Pinuy-anan
Gihisgotan sa Genesis kon nganong nawala ang orihinal nga paraiso.
ESTORYA 5
Kinabuhing Lisod Misugod
Si Adan ug Eva daghag problema sa gawas sa tanaman sa Eden. Kon misunod pa sila sa Diyos, malipayon unta ang ilang kinabuhi ug sa ilang mga anak.
ESTORYA 6
Buotang Anak, ug Daotang Anak
Ang estorya bahin kang Cain ug Abel, nga mabasa sa Genesis, nagtudlo nato kon unsay angay natong ugmaron nga mga hiyas—ug kon unsay atong usbon samtang dili pa ulahi ang tanan.
ESTORYA 7
Usa ka Maisog nga Tawo
Gipakita sa ehemplo ni Enoc nga puwede kang mohimog maayo, bisan pag daotan ang tanan sa imong palibot.
ESTORYA 8
Mga Higante sa Yuta
Gihisgotan sa Genesis kapitulo 6 ang mga higante nga nagdagmal sa mga tawo. Sila gitawag ug Nepilim ug mga anak sila sa mga anghel nga mibiya sa langit ug nagkinabuhi ingong mga tawo.
ESTORYA 9
Si Noe Mitukod ug Arka
Si Noe ug ang iyang pamilya naluwas sa Lunop kay ilang gisunod ang Diyos bisag ang uban wala maminaw.
ESTORYA 10
Ang Dakong Lunop
Gikataw-an sa mga tawo ang pasidaan ni Noe. Pero naundang ilang yagayaga dihang miulan ug misugod nag baha! Sayra kon sa unsang paagi naluwas sa arka si Noe, iyang pamilya, ug ang daghang kahayopan.
